ތ. ވިލުފުށީގައި ޤާއިމުކުރާ އެއަރޕޯޓަށް ބޭނުންވާ ސަރަޙައްދުގެ ބޮޑު ބައެއް ހިއްކައި ނިމިފައިވާ ކަމަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ހާމަކޮށްފިއެވެ.އެމްއޭސީއެލް އިން މަޢުލޫމާތު ދީފައިވާ ގޮތުގައި، ޖުމްލަ 81 ހެކްޓަރުގެ ބިން ހިއްކުމަށް ރޭވިފައިވާއިރު، މިހާރު 65 ހެކްޓަރު ވަނީ ހިއްކައި ނިންމާލެވިފައެވެ. މިއީ މުޅި މަޝްރޫޢުގެ 80 އިންސައްތައެވެ.
ފިލިޕޯ ބުރުނެލޭސްކީ ނަމަކަށް ކިޔާ، 11،300 ކިއުބިކް މީޓަރުގެ ޖާގައިގެ ޑްރެޖަރެއް ބޭނުންކޮށްގެން ކުރިއަށްގެންދާ މި މަސައްކަތް ފެށީ މިދިޔަ އަހަރުގެ ނޮވެންބަރު މަހުގެ 14 ވަނަ ދުވަހުއެވެ.
1800 މީޓަރުގެ ރަންވޭއެއް ހިމެނޭ މި އެއަރޕޯޓުގައި ޓާމިނަލް ޢިމާރާތާއި، ފަޔަރ ސްޓޭޝަނާއި، އެއަރޕޯޓަކަށް ޒަރޫރީ އެހެނިހެން ވަސީލަތްތައް ޤާއިމުކުރެވޭނެއެވެ. ދެ އަހަރާއި ބައިގެ ތެރޭގައި މި މަޝްރޫޢު ނިންމާލެވޭނެ ކަމަށް ލަފާކުރެވެއެވެ.
Th. Vilufushi’s land reclamation project is progressing as planned, with 65 of the total 81 hectares successfully reclaimed, achieving 80% completion. The project commenced on 14 November 2025 and continues on schedule. Works are being carried out using the dredger Filippo… pic.twitter.com/Vd3TVgicHo
— Maldives Airports Company Ltd (@MACLmedia) January 29, 2026
މިދިޔަ އަހަރު ސެޕްޓެންބަރު މަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިލުފުއްޓަށް ވަޑައިގެން މި މަޝްރޫޢު ރަސްމީކޮށް އިފްތިތާޙުކޮށްދެއްވިއެވެ. އެ ދަތުރުފުޅުގައި ރަށުގެ ރައްޔިތުންނާ ބައްދަލުކުރައްވައި، މި ސަރުކާރުގެ ދައުރު ނިމުމުގެ ކުރިން އެއަރޕޯޓުގެ މަސައްކަތް ފުރިހަމަކޮށްދެއްވާނެ ކަމުގެ ޔަޤީންކަން ރައީސް ވަނީ ދެއްވާފައެވެ.