އާސެނަލްގެ ފޯވާޑް ބުކަޔޯ ސަކާގެ އަނިޔާ މާ ސީރިއަސް ނޫންކަމަށް އެޓީމުގެ ކޯޗު މިކެލް އާޓެޓާ ބުނެފިއެވެ.
ސަކާގެ އުކުޅުވަޅަށް އަނިޔާވެފައިވަނީ އާސެނަލް އެންމެފަހުން ލީޑްސް ޔުނައިޓެޑާ ދެކޮޅަށް ކުޅުނު މެޗުގެ ކުރިން ފަރިތަކުރަނިކޮށެވެ. އާޓެޓާ އިތުރަށް ބުނެފައިވަނީ މިވަގުތު އަދި އިހަށް ބަލަނީކަމަށާއި ކުރިޔަށްވުރެ ސަކާގެ ހާލަތު ރަނގަޅުކަމަށް ފެންނަކަމަށެވެ. އެހެންނަމަވެސް ނިންމުމެއް ނިންމާނީ އަންނަ ކުރިއެރުމަށްބަލާފައިކަމަށެވެ.
"މާ ސީރިއަސްކޮށެއް ނޫން ފެންނަނީ. އެހެންނަމަވެސް ކުރިޔަށް އޮތް މެޗަށް އޭނަ ނެރޭނެތޯ ނުވަތަ ދެން އަންނަ މެޗަށް މަޑުކުރާނީތޯ އަދި ނުނިންމަން." އާޓެޓާއާއި ހަވާލާދީ ބީބީސީގައި ރިޕޯޓުކޮށްފައިވެއެވެ.
ސަކާއަކީ އާސެނަލްގެ މުހިންމު ކުޅުންތެރިއެކެވެ. އުމުރުން 24 އަހަރުގެ ފޯވާޑް އާސެނަލްއަށް މި ސީޒަނުގައި މުހިންމު ދައުރެއް އަދާކުރަމުން އަންނައިރު ޓްރާންސްފަރ މާކެޓް ބަންދުވުމުގެ ކުރިން ނިއުކާސަލް ޔުނައިޓެޑުން ސަކާގެ ސޮއި ހޯދުމަށް މަސައްކަތްކުރަމުން އަންނަކަމުގެ އަޑުވަނީ ގަދަވެފައެވެ.
