ކުޅުންތެރިން ހޯދުމަށް ހުޅުވާލާ މުއްދަތުގައި ކޮންމެ ފަހަރެއްގައިވެސް އެންމެ ފޯރިގަދަ އެއްދުވަހަކަށްވެފައި އޮންނަނީ ޓްރާންސްފަރ މާކެޓުގެ އެންމެ ފަހު ދުވަހެވެ. ފަހު ދުވަސް ނުވަތަ ޑެޑްލައިން ޑޭ ގައި ކުލަބުތައް ވަރަށް ހަރަކާތްތެރިކޮށް ކުޅުންތެރިން ހޯދުމާއި ދޫކުރުމުގައި އުޅޭތަން ފެނުނު ނަމަވެސް، މިފަހަރުގެ ޖެނުއަރީ ޓްރާންސްފަރ މާކެޓް ބަންދުވިއިރު، އިނގިރޭސި ޕްރިމިއަރ ލީގުގައި މިދުވަސް ފެނުނީ ވަރަށް ލޮނުމަޑުކޮށެވެ. މިދުވަހު ޕްރިމިއަރ ލީގުން ފެނުނީ އެންމެ 7 ކުޅުންތެރިއެއްގެ ޓްރާންސްފަރއެވެ.
މިގޮތުން އެންމެ ފާހަގަ ކޮށްލެވޭ "ޑީލް"އަކަށް ފެނިގެން ދިޔައީ ވުލްވްސްއަށް ކުޅެމުންދިޔަ ފޯވާޑު ޖޯގަން ސްޓްރޭންޑް ލާރސަން ކްރިސްޓަލް ޕެލަސްއަށް ބަދަލުވުމެވެ. ޖުމްލަ 48 މިލިއަން ޕައުންޑަށް އެ ކުޅުންތެރިޔާގެ ސޮއި ޕެލަސްއިން ހޯދީ އެޓީމުގެ ފޯވާޑު މަޓެޓާ އޭސީ މިލާނަށް ބަދަލުވާން އުޅޭތީ އެތަން ފޫބެއްދުމަށެވެ. ނަމަވެސް، ސިއްޙީ މައްސަލަތަކާ ގުޅިގެން މަޓެޓާ އޭސީ މިލާނަށް ބަދަލުވެވޭ ގޮތް ނުވުމުގެ ސަބަބުން މި ސީޒަން ނިމެންދެން ޕެލަސްގައި މަޑުކުރަންވަނީ ޖެހިފައެވެ.
މީގެ އިތުރުން، އެޒެލް ޑިސާސީ ޗެލްސީއިން ވެސްޓްހަމްއަށް، އެންޖެލް ގޯމޭސް މާސޭއިން ވުލްވްސްއަށް، ޓައިރީކް ޖޯޖް ޗެލްސީއިން އެވަޓަންއަށް، އިވާން މޫނޭ އެސްޓީ މައިރެން އިން އާސެނަލްއަށް، އެޑަމް އާމްސްޓްރޯންގް ސަދަމްޓަން އިން ވުލްވްސްއަށް ނިލްސަން އެންގޫލޯ އެންޑަލަޓް އިން ސަންޑަލެންޑަށް އަދި ލޫކާ ނެޒް ބްރޫޝިއާ މޮންޗަންގްލަބަ އަށްވަނީ ބަދަލުވެފައެވެ.
ފިނި މޫސުމުގެ ޓްރާންސްފަރ މާކެޓް އިނގިރޭސި ޓީމުތަކުން ނިންމާލިއިރު 390 މިލިއަން ޕައުންޑަށްވުރެ ގިނައިން ވަނީ ޓީމުތަކުންވަނީ ހޭދަކޮށްފައެވެ.