އިޓަލީ ސީރީއޭގައި އޭސީ މިލާންއާއި ބަލޮންޔާ ބައްދަލުކުރި މެޗު ފަސޭހަކަމާއެކު 3-0 އިން އޭސީ މިލާން ކާމިޔާބުކޮށްފިއެވެ.
މި މެޗުގައި ފުރަތަމަ ހަމަލާ އުފެއްދީ އޭސީ މިލާނުންނެވެ. މެޗުގެ 8 ވަނަ މިނެޓުގައި މެދުތެރެއިން އުފެއްދި ހަމަލައެއް ބޯޅަހިފައިގެން ހުސްކޮށްއަރާ އޭސީމިލާނުގެ ފޯވާޑް އެންކުކޫ ގޯލަށް ޖަހަން ކުރި މަސައްކަތުގެ ހުރަހަކަށްވީ ބޮލަންޔާގެ ގޯލު ކީޕަރެވެ. އަދި 17 ވަނަ މިނެޓުގައިވެސް އޭސީ މިލާނުން ނުރައްކާތެރި ހަމަލާއެއް އުފެއްދިނަމަވެސް ބޮލުން ފޮނުވާލި ބޯޅަ ގޯލާ ސީދާވާގޮތެއްނުވިއެވެ. ފުރަތަމަ ލަނޑު މިލާނުން ޖެހީ ރާބިއޯ ފަހިކޮށްދިން ފުރުޞަތުން ރުބެން ލޮފްޓަސް-ޗީކްއެވެ. ފުރަތަމަ ހާފު ނިމުމުގެ ކުރިން ލިބުނު ޕެނަލްޓީއަކުން ކްރިސްޓޮފަ އެންކުކޫވަނީ މިލާނަށް ލީޑު ފުޅާކޮށްދީފައެވެ.
ދެވަނަ ހާފު ފަށައިގެންވެސް ގިނަވަގުތު ބޯޅަ ހިފަހައްޓައިގެން ގިނަ ހަމަލާތަކެއް އުފައްދަމުން އައީ މިލާނުންނެވެ. ނަތީޖާއަކަށްވީ ދެވަނަ ހާފު ފެށިތާ 3 ވަނަ މިނެޓުގައި ރާބިއޯ ލަނޑެއްޖަހައި މުޅި މެޗު މިލާންކޮޅަށް އަނބުރާލުމެވެ. މީގެ އިތުރުންވެސް ގިނަ ފުރުޞަތުތަކެއް މިލާނަށްލިބުނެވެ.
މި މޮޅާއެކު އޭސީ މިލާން އޮތީ ލީގުގެ ދެވަނައިގައެވެ. އެއީ އެއްވަނާގައި އޮތް ވާދަވެރި އިންޓަމިލާނަށްވުރެ 5 ޕޮއިންޓް މަދުންނެވެ. ބަލޮންޔާ އޮތީ 30 ޕޮއިންޓާއެކު ތާވަލުގެ 23 ވަނައިގައެވެ.