އިނގިރޭސި ޕްރިމިއަރ ލީގުގައި ޗެލްސީ އަދި ވުލްވްސް ބައްދަލުކުރި މެޗު 3-1 އިން ޗެލްސީ ކާމިޔާބު ކޮށްފިއެވެ.
ރޭ ވުލްވްސް އަމިއްލަ ދަނޑުގައި ކުޅުނު މި މެޗުގައި ޗެލްސީގެ ކޯލް ޕާމާވަނީ ފުރަތަމަ ހާފުގައި ހެޓްރިކެއް ހަދާފައެވެ. އެއީ ލިބުނު 2 ޕެނަލްޓީއިން ޖެހި ދެ ލަނޑާއި މާކް ކުކުރެއާ ފަހިކޮށްދިން ފުރުސަތެއްގައި ޖެހި ލަނޑުންނެވެ. މިއާއެކު ޕާމާ ވެގެން ގޮސްފައިވަނީ ޕްރިމިއަރލީގުގައި ފުރަތަމަ ހާފުގައި 3 ހެޓްރިކް ހެދި ފުރަތަމަ ކުޅުންތެރިޔާއަށެވެ. ޕާމާވަނީ ތަފާތު ތިން މެޗެއްގެ ފުރަތަމަ ހާފުގައި ހެޓްރިކް ހަދާފައެވެ.
ރޭގެ މޮޅާއެކު ޗެލްސީއިންވަނީ އެޓީމުގެ އައު ކޯޗު ލިއަމް ރޮސީނިއަގެ އިރުޝާދުގެ ދަށުން ރަނގަޅުވަމުން އަންނަ ފޯމު ދަމަހައްޓާފައެވެ. މިއީ އައު ކޯޗުގެ އިރުޝާދުގެ ދަށުން ލީގުގައި ޖެހިޖެހިގެން މޮޅުވި 4 މެޗެވެ. ޗެލްސީއޮތީ ލީގުގެ ހަތަރުވަނާގައި އޮތް މެންޗެސްޓަރ ޔުނައިޓެޑަށްވުރެ 1 ޕޮއިންޓް މަދުން ތާވަލުގެ 5 ވަނާގައެވެ. ނަމަވެސް ފަހަކަށް އައިސް ނެރެމުންދާ ނަތީޖާތަކަށްބަލާއިރު ލީގުގެ ގަދަ ހަތަރަކަށް އަރާނެކަމަށް އެންމެ ބޮޑަށް ބެލެވޭ އެއްޓީމަކީ ޗެލްސީއެވެ.