ކުއާޓާ ފައިނަލުގައި ޕެނަލްޓީ ޖަހައިގެން ރ. ދުވާފަރު ބަލިކޮށް ބ. އޭދަފުށި ސެމީ ފައިނަލަށް ދަތުރުކޮށްފިއެވެ.
ރޭ ކުޅެވުނު މެޗުގެ ފުރިހަމަ ވަގުތު ހަމަވިއިރު 2-2 އިން އެއްވަރުވެފައިވުމުން ނަތީޖާ ނެރެން ޖެހުނީ ޕެނަލްޓީ ޖަހައިގެންނެވެ. އޭދަފުށީގެ ލަނޑުތައް ޖަހައިދިނީ އަލީ ނަސީމާއި ހުސައިން ޝަރީފެވެ. ދުވާފަރުގެ މުޙައްމަދު ނޫހް އިބްރާހިމް ލަނޑުޖެހިއިރު އަނެއް ލަނޑަކީ އިމްތިޝާލް އަބްދުލްރަހީމް އަތުން ބައިކޮޅަށް ވަތް ލަނޑެކެވެ. ޕެނަލްޓީ ޖަހައިގެން އޭދަފުށި މެޗު ކާމިޔާބުކުރީ 6-4 ގެ ނަތީޖާއަކުންނެވެ.
މި މެޗުގެ މޮޅު ކުޅުންތެރިއަކަށް ހޮވުނީ އޭދަފުށި ޓީމުގެ ޖާޒީ ނަމްބަރ 12 މުޙައްމަދު ފާސިރެވެ.