ގޯލްޑެން ފުޓްސަލް ޗެލެންޖް 2026 ގެ ކުއާޓާ ފައިނަލުގައި ދ.ކުޑަހުވަދޫ ކައިރިން ބޮޑު ތަފާތަކުން މޮޅުވެ ވިލިމާލެ ސެމީ ފައިނަލަށް ދަތުރުކޮށްފިއެވެ.
ކުޑަހުވަދޫ އަތުން ވިލިމާލެ މޮޅުވީ 5-1 އިންނެވެ. ވިލިމާލޭ ޓީމުގެ އިސްމާއިލް ވަޖީހް (ވައްޖެ) 2 ލަނޑު ކާމިޔާބުކޮށްދިންއިރު، އެޓީމުގެ އިސްމާއިލް ވިފާޤާއި އަހުމަދު ބައްސާމް މުހައްމަދު ނައީމުވަނީ ކޮންމެ ކުޅުންތެރިއަކު ލަނޑެއް ޖަހައިދީފައެވެ. އަނެއް ލަނޑަކީ ކުޑަހުވަދޫގެ ހާރޫން މުޙައްމަދު އަތުން ބައިކޮޅަށް ވަތްލަނޑެކެވެ. ކުޑަހުވަދޫ ޓީމުގެ ހަމައެކަނި ލަނޑު ޖަހައިދިނީ މުޙައްމަދު އަރީޝްއެވެ.
މެޗުގެ މޮޅު ކުޅުންތެރިޔާގެ މަގާމު ހޯދީ ވިލިމާލެ ޓީމުގެ ޖާޒީ ނަމްބަރ 77 އިސްމާއިލް ވަޖީހް (ވައްޖެ)އެވެ.