މެންޗެސްޓަރ ޔުނައިޓެޑުގެ ކޯޗުކަމުގައި އެންމެފަހުން ހުރި ޕޯޗުގަލުގެ ރުބެން އަމޮރިމްގެ ޕްލޭންގައި ނުހިމެނި ޓީމުން ބާކީވެފައިހުރި އިނގިރޭސި މިޑްފީލްޑަރ ކޮބީ މައިނޫ އެޓީމުގައި ތަފާތު ދައްކަން ފަށައިފިއެވެ.
ޔުނައިޓެޑުގެ ކޯޗުކަމުން އަމޮރިމް ވަކިކުރުމަށްފަހު މި ސީޒަން ނިމެންދެން ކޯޗުކަން ހަވާލުކޮށްފައިވަނީ ޔުނައިޓެޑުގެ ކުރީގެ މިޑްފީލްޑަރ މައިކަލް ކެރިކާއެވެ. މައިކަލް ކެރިކްގެ އިރުޝާދުގެ ދަށުން މިހާތަނަށް ޔުނައިޓެޑު ކުޅުނު ހަތަރު މެޗުވެސް ކާމިޔާބު ކޮށްފައިވާއިރު، މިމެޗުތަކުގައި އެންމެ ގިނަ ބައެއްގެ ލޮލުގައި އަޅައިގަތީ ޓީމުގެ މެދުތެރޭގައި ކަސެމީރޯއާއި ބްރޫނޯ ފެނާންޑޭޒާއެކު މައިނޫ ދައްކަމުންދާ ތަފާތު މޮޅު ކުޅުމަށެވެ. މި މެޗުތަކުގެ ތެރެއިން އާސެނަލް ކައިރިން ޔުނައިޓެޑު މޮޅުވި މެޗުގައި މޮޅުވި ލަނޑު ކުންޔާ ޖެހުމަށް މަގުފަހި ކޮށްދިނީ މައިނޫއެވެ. އަދި އެންމެފަހުން ޓޮޓޮންހަމް ކައިރިން މޮޅުވި މެޗުގައި އެމްބޫމޯ ޖެހި ލަނޑަކީވެސް މައިނޫ ފަހިކޮށްދިން ފުރުޞަތެކެވެ.
އަމޮރިމްގެ އިރުޝާދުގެ ދަށުން އެންމެފަހުން ވެސްޓްހަމްއާ ދެކޮޅަށް ޔުނައިޓެޑު ކުޅުނު މެޗުގެ ބެންޗުގައި މައިނޫ އިންދާ 1-1 އިން އެއްވަރުވެފައި އޮއްވާވެސް ލޫކްޝޯގެ ބަދަލުގައި އެރުވީ ލިސަންޑްރޯ މަޓިނޭޒެވެ. މިކަމާ ނޫސްވެރިން ސުވާލުކުރުމުން ނޫސްވެރިން އަބަދުވެސް އަހަނީ ތިޔަ ސުވާލުކަމަށާއި ނޫސްވެރިން މައިނޫ ކަމުދާކަން އެނގޭކަމަށާއި އޭނާ އިނގިރޭސި ޓީމަށް އެރުމަކީ، ކޮންމެ ހާލެއްގައިވެސް އަހަރެން އޭނާ ޓީމަށް އަރުވަންޖެހޭ ހުއްޖަތެއް ނޫންކަމަށް ބުނެފައެވެ.
އެހެންނަމަވެސް، ޓޮޓޮންހަމް މެޗަށްފަހު އެކްސްގައި ކުރި ޕޯސްޓަކަށް 25000 މީހުން ލައިކްދީ ޔުނައިޓެޑުގެ އެތައްހާސް ބަޔަކު ކޮމެންޓްތަކުން ފުރާލުމުން، މައިނޫއާމެދު ނޫސްވެރިން ސުވާލުކުރި ކުރުން އެނގިހާމަވިއެވެ. އަދި މައިނޫގެ ކުޅުން ކުރިން ފެނިފައިވާ ސަޕޯޓަރުން މައިނޫއަށް އޮތް ލޯބި ހާމަވެގެންދިޔައެވެ.
ކެރިކްގެ އިރުޝާދުގެ ދަށުން ކުޅެވޭ ފަސްވަނަ މެޗު މިރޭ ވެސްޓްހަމްއާ ދެކޮޅަށް ނުކުންނައިރު، މައިނޫ ޓީމުން ފެންނާނެކަމަށް ވަރަށް ބޮޑަށް ބެލެވެއެވެ.