ޖަރުމަން ވިލާތުގެ ޗާންސެލާރ އަންޖެލާ މާކެލް، ވެކްސިނުގެ ފުރަތަމަ ޑޯޒެއްގެ ގޮތުގައި އެސްޓްރާޒެނެކާ ވެކްސިން ޖެއްސެވުމަށް ފަހު، ދެވަނަ ޑޯޒެއްގެ ގޮތުގައި މޮޑާނާ ވެކްސިން ޖައްސަވައިފި އެވެ.
އެގައުމުގެ ސަރުކާރުގެ ތަރުޖަމާނު އިއްޔެ ވިދާޅުވި ގޮތުގައި މިދިޔަ އެޕްރީލް މަހުގެ ތެރޭގައި ކޮވިޑް ދިފާއުގެ ފުރަތަމަ ޑޯޒްގެ ގޮތުގައި އެސްޓްރާޒެނަކާ ވެކްސިން ޖެއްސުމަށް ފަހު، އަންޖެލާ މާކެލް ދެ ވަނަ ޑޯޒްގެ ގޮތުގައި މޮޑާނާ ވެކްސިން ޖެއްސެވީ މީގެ ދުވަސްކޮޅެއް ކުރިންނެވެ.
ސިއްހީ ތަޖުރިބާކާރުން ވިދާޅުވާ ގޮތުގައި އެއް ބައްޔެއްގެ ދިފާއުގައި ދެ ބާވަތެއްގެ ވެކްސިނުން ޑޯޒް ފުރިހަމަ ކުރުމަކީ އެދެވޭނެ ކަމެއް ކަމަށް އަދި ނުބެލެވެއެވެ. ނަވެސް މިކަމާއި ބެހޭ ހޯދުންތަކާއި ދިރާސާރަށް ސިއްހީ މާހިރުން އަންނަނީ ކުރަމުންނެވެ.
އެގޮތުން، އެސްޓްރާޒެނެކާ ވެކްސިނާއި ފައިޒާ ވެކްސިން އިން ދެ ޑޯޒް ފުރިހަމަ ކުރުމުން ހަށިގަނޑަށް އަންނަ ބަދަލުތައް ދެނެގަތުމަށް، އިނގިރޭސި ވިލާތުގައި ދާދި ފަހުންވެސް ވަނީ ދިރާސާއެއް ކޮށްފަ އެވެ.
ޖަރުމަނުވިލާތުގެ މިފަދަ ޝަހުސިއްޔަތެއް މިގޮތަށް އަމަލުކުރުން ވެގެންދާނީ އެ ގައުމުގެ ރައްޔިތުންނަށް މިގޮތަށް އަމަލުކުރުމަށް ލިބުނު ބޮޑު ހިތްވަރަކަށެވެ.