މިހާރު އިޓަލީގެ މިލާން އަދި ކޯޓިނާގައި ކުރިޔަށްދާ ވިންޓަރ އޮލިމްޕިކްސްގައި ލޯމެޑެލް ހޯދުމަށްފަހު، ލޯބިވެރިޔާއަށް ބޭވަފާތެރިވެވުނީތީ، ނޯވޭގެ ބައެތުލީޓު ސްޓުރްލާ ހޯމް ލައެގްރެއިޑް އެންމެން ކުރިމަތީ މާފަށް އެދެފިއެވެ.
އުމުރުން 28 އަހަރުގެ އެތުލީޓު، މިއަހަރުގެ ވިންޓަ އޮލިމްޕިކްގައި ހޯދި ފުރަތަމަ މެޑަލް އަށްފަހު، ނޫސްވެރިންނާ ވާހަކަ ދައްކަމުން ބުނީ އޭނާގެ ތިންމަސް ކުރިން އެހެން އަންހެނެއްގެ އަވާގައި ޖެހުނުކަމަށާއި އެއީ އޭނާގެ ހަޔާތުގައިވެސް ހެދުނު އެންމެ ބޮޑު ގޯސްކަމަށެވެ. އަދި މި މަންޒަރު އެމީހަކު ނުބެލިޔަސް، މިވާހަކަ އެންމެންނަށް އެނގޭނެހެން ހިއްސާކުރަން ބޭނުންވާތީ އެވާހަކަ ބުނީކަމަށެވެ. އޭނާ އިތުރަށް ބުނި ގޮތުގައި އޭނާއަށް އޭނާ ބޭނުންވާ ކަހަލަ އަންހެން ކުއްޖެއް މީގެ 6 މަސްކުރިން ލިބުނުކަމަށާއި، އެ އަންހެން ކުއްޖާއަކީ ދުނިޔޭންވެސް އެންމެ ރީތި އަދި އެންމެ ރަނގަޅު އަންހެން ކުއްޖާކަމަށެވެ. ނަމަވެސް، ލޯބިވެރިޔާއަށް ބޭވަފާތެރި ވެވުނީތީ ހިތާމަކުރާކަމަށެވެ. އަދި ވާހަކަ ދައްކައިގެން އަލުން ގުޅުން ދަމަހައްޓަން ބޭނުންވާކަމަށެވެ. ކުރިން ގޯލްޑް މެޑަލް ލިބުނު ނަމަވެސް، މިފަހުން ކުޅިވަރު އައިސްފައިވަނީ އޭނާގެ ދެވަނަ ވިސްނުމަށްކަމަށާއި، އޭނާއަށް މި މައްސަލަ ހައްލުވާނޭ މަގުކަމަށް ފެނުނީ މިކަން އެންމެނަށް ހާމަކޮށްގެން އަލުން ކުރީގެ ދިރިއުޅުމަށްދިޔުންކަމަށެވެ.
ލައެގްރެއިޑް މީގެ ކުރިން 2022 ވަނަ އަހަރުގެ އޮލިމްޕިކްސް ގޭމުގައި ބައެތުލީޓުގެ ރިލޭއިން ގޯލްޑްމެޑަލްވަނީ ހޯދާފައެވެ.