އިނގިރޭސި އެފްއޭކަޕްގެ ހަތަރުވަނަ ބުރުގައި ބްރައިޓަން އަތުން 3-0 ގެ ނަތީޖާއަކުން މޮޅުވެ މުބާރާތުގެ ފަސްވަނަ ބުރަށް ލިވަޕޫލު ދަތުރުކޮށްފިއެވެ.
ރޭ އެންފީލްޑްގައި ކުޅެވުނު މިމެޗުގެ ފުރަތަމަ ހާފު ނިމުނީ ކާކެޒް ތަނަވަސްކޮށްދިން ފުރުޞަތެއްގައި ކާޓިސް ޖޯންސް ޖަހައިދިން ލަނޑުން 1-0 ން ލިވަޕޫލު ކުރީގައި އޮވެގެންނެވެ. ދެވަނަ ހާފު ފަށައިގެން މާގިނައިރުތަކެއްނުވެ މޮ ސަލާ އުފެއްދި ހަމަލާއެއްގައި އެޓީމުގެ މިޑްފީލްޑަރ ޑޮމިނިކް ސަބޮސްލައި ލަނޑެއްޖަހައި ލިވަޕޫލަށް ލީޑު ފުޅާ ކޮށްދިނެވެ. ތިންވަނަ ލަނޑަކީ ބްރައިޓަންގެ ޕެނަލްޓީ އޭރީއާ ތެރެއިން ކުރި ފައުލަކަށް ލިބުނު ޕެނަލްޓީއަކުން މޮ ސަލާ ޖަހައިދިން ލަނޑެކެވެ.
ސިޓީއަތުން ލީގުގައި ބަލިވި މެޗަށްފަހު ކުޅުނު ދެމެޗުވެސް މިވަނީ ކާމިޔާބު ކޮށްފައެވެ. އެއީ ލީގުގައި ސަންޑަލޭންޑު ކައިރިން މޮޅުވި މެޗާ ރޭ ކުޅެވުނު އެފްއޭކަޕްގެ މެޗެވެ.