ނޮޓިންހަމް ފޮރެސްޓްގެ ހުސްވެފައިވާ ކޯޗުގެ މަގާމަށް ވިކްޓަ ޕެރޭރާ ހަމަޖައްސައިފިއެވެ.
ކުރިން ފޮރެސްޓްގެ ކޯޗުކަމުގައި ހުރި ޝޯން ޑައިޗް މަގާމުން ވަކިކުރުމުން ފޮރެސްޓްގެ ކޯޗަކަށް ކުރިން ވުލްވްސްގައި މަސައްކަތްކުރި ކޯޗު ވިކްޓަ ޕެރޭރާ ހަމަޖެއްސީ އިއްޔެއެވެ. އޭނާ މި މަގާމަށް ހަމަޖެއްސީ 18 މަސްދުވަހުގެ ކޮންޓްރެކްޓެއްގެ ދަށުންނެވެ. ޝޯން ޑައިޗް ކޯޗުކަމުން ވަކިކުރީ އެންމެފަހުން ވުލްވްސްއާ ކުޅެ 0-0 އިން އެއްވަރުވި މެޗަށްފަހުއެވެ.
ފޮރެސްޓް އެންމެ އަވަހަށް ދެން ކުޅޭނީ ޔޫރޮޕާ ލީގުގެ ނޮކައުޓް ޕްލޭ އޮފްގައި ފެނަބާޗޭއާ ދެކޮޅަށެވެ.
ޕެރޭރާ މީގެ ކުރިންވަނީ ފޮރެސްޓްގެ ވެރިޔާގެ ކުލަބެއްކަމަށްވާ އޮލިމްޕިއާކޯސްގައި 2015 ވަނަ އަހަރު ގްރީކް ލީގާއި ގްރީކްކަޕް ކާމިޔާބުކޮށްފައެވެ.
ފޮރެސްޓްގެ ކޯޗު މިސީޒަނުގައި ބަދަލުކުރި މިއީ ހަތަރުވަނަ ފަހަރެވެ. މިވަގުތު ފޮރެސްޓް އޮތީ ރެލިގޭޝަނާ 3 ޕޮއިންޓް ގާތުގައެވެ.