އީ.އެފް.އެލް ލީގު ވަންގައި ކުޅެމުން އަންނަ ވިގަން އެތުލެޓިކް ބަލިކޮށް އާސެނަލް އެފްއޭކަޕްގެ ފަސްވަނަ ބުރަށް ދަތުރުކޮށްފިއެވެ.
މިއީ އާސެނަލް އެފްއޭކަޕްގެ ފަސްވަނަ ބުރަށް ފާއިތުވި ހައަހަރު ތެރޭ ދަތުރުކުރި ފުރަތަމަ ފަހަރެވެ. ވިގަންގެ މައްޗަށް އާސެނަލް ކުރި ހޯދީ ރޭ އެމިރޭޓްސް ސްޓޭޑިއަމްގައި ކުޅުނު މެޗު 4-0 ގެ ނަތީޖާއިން ކާމިޔާބުކޮށްގެންނެވެ. މެޗުގައި ފެނިގެންދިޔަ 4 ލަނޑުވެސް ފެނުނީ މެޗުގެ ފުރަތަމަ 30 މިނެޓު ތެރޭގައެވެ. ފުރަތަމަ ލަނޑު ނޯނީ މަޑުއެކޭ ޖެހިއިރު ލީޑު ފުޅާ ކޮށްދިނީ ގެބްރިއެލް މާޓިނެލީއެވެ. ތިންވަނަ ލަނޑަކީ ވިގަންގެ ޖެކް ހަންޓް އަތުން ބައިކޮޅަށް ވަތް ލަނޑެކެވެ. ހަތަރުވަނަ ލަނޑު މެޗުގެ 27 ވަނަ މިނެޓުގައި ޖަހައިދިނީ ގެބްރިއެލް ހެސުސްއެވެ.
މެޗު ފެށުމުގެ ކުރިން ފަރިތަކުރަނިކޮށް ރިކާޑޯ ކަލަފިއޯރީއަށް ލިބުނު އަނިޔާއަކާ ގުޅިގެން މެޗު ފެށީ ބުކަޔޯ ސަކާ ޓީމުގައި ހިމަނައިގެންނެވެ. އޭގެ ސަބަބުން މެޗުގައި ސަކާ ކުޅެން ޖެހުނީ ކުރިން އޭނާ ނުކުޅޭ މަގާމަކަށް ޓީމުގެ މެދުތެރެއަށެވެ.
އާސެނަލް އެފްއޭކަޕްގެ ފަސްވަނަ ބުރަށް އެންމެފަހުން ދަތުރުކުރީ 2020 ވަނަ އަހަރުއެވެ. އެއަހަރުގެ މުބާރާތް ކާމިޔާބުކުރީވެސް އާސެނަލްއެވެ. އެއީ މިކެލް އާޓީޓާގެ އިރުޝާދުގެ ދަށުން އެޓީމަށް އެންމެފަހުން ލިބުނު ޓްރޮފީވެސްމެއެވެ.