އުރީދޫ މޯލްޑިވްސް އިން ކޮންމެ އަހަރެއްގެ ރޯދަ މަހާ ދިމާކޮށް ކުރިއަށްގެންދާ "ކަރާ ފެޅުން" ޕްރޮމޯޝަން، އެއް ލައްކަ ރުފިޔާގެ ބޮޑު އިނާމަކާ އެކު މިއަހަރު ވެސް ފަށަން ނިންމައިފި އެވެ.
މި ފަހަރުގެ ޕްރޮމޯޝަން ކުރިއަށް ގެންދާނީ ކުރީ އަހަރުތަކަށް ވުރެ ފޯރިގަދަކޮށް އަދި ގޭމަށް މުޅިން އާ ފީޗާތަކެއް ވެސް އިތުރުކޮށްގެންނެވެ. އެގޮތުން އެންމެ ހާއްސަ އެއް ކަމަކަށް ހިމަނާފައިވަނީ މެޕުން ދައްކާ ތަނަކަށް ގޮސްގެން ކަރާ ފެޅުމުގެ ފުރުސަތު ލިބޭ "ކަރާ ކުއެސްޓް" އެވެ.
އުރީދޫން މައުލޫމާތު ދިން ގޮތުގައި، މި ގޭމް ކުޅުމުގެ ފުރުސަތު ހުޅުވާލާފައިވަނީ މުޅި ރާއްޖެ ރަތް އަދި ނޫ ޓީމަށް ބަހާލައިގެންނެވެ. މިއިން ކޮންމެ ވެސް އެއް ޓީމެއްގައި ބައިވެރިވެ، އާއިލާ އާއި ރައްޓެހިންނާ އެކު ވެސް ކަރާ ފެޅުމުގެ ގޭމް ކުރިއަށް ގެންދެވޭނެ އެވެ.
"އަޅުގަނޑުމެންގެ އުންމީދަކީ، މި ގޭމް މެދުވެރިކޮށް އެކަކު އަނެކަކާ އޮންނަ ގުޅުން އިތުރަށް ބަދަހިވެ، އުފާވެރި ރޯދަމަހަކަށް ވެގެންދިޔުން،" އުރީދޫގެ ޗީފް ކޮމާޝަލް އޮފިސަރު ހުސައިން ނިޔާޒް ބުންޏެވެ.
ނިޔާޒް މިހެން ބުނީ މި ޕްރޮމޯޝަން އިއުލާނުކުރުމަށް ބޭއްވި ނޫސްވެރިންގެ ބައްދަލުވުމުގަ އެވެ. އޭނާ އިތުރަށް ބުނީ ގޭމްގައި ބައިވެރިވާ ކަސްޓަމަރުންނަށް ކޮންމެ ދުވަހަކު ވެސް ހިލޭ ޑޭޓާ އާއި ހާއްސަ އެހެނިހެން އިނާމުތައް ލިބޭނެ ކަމަށެވެ. (ނޯޓު: އުރީދޫގެ މިހާރުގެ ސީއީއޯ އަކީ ޝާދީ ގަވާސްމީ އެވެ. ނިޔާޒަކީ އެ ކުންފުނީގެ ސީސީއޯ އެވެ.)
މީގެ އިތުރުން މޮޅުވާ ޓީމުގެ ބައިވެރިންގެ ތެރެއިން ގުރުއަތުން ހޮވޭ ނަސީބުވެރިއަކަށް އެއް ލައްކަ ރުފިޔާގެ އަގުހުރި އިނާމު ލިބޭނެކަން ވަނީ އިއުލާނުކޮށްފަ އެވެ. މިއީ ރޯދަ މަހުގެ ދުވަސްތައް މަޖާކޮށްލުމާ އެކު ބޮޑު އިނާމެއް ހޯދުމަށް އުރީދޫން ކަސްޓަމަރުންނަށް ދޭ ރަނުގެ ފުރުސަތެކެވެ.