އަނިޔާވެރި ޔަހޫދީންގެ އަތްތަކުން ހިންގަމުންދާ ލާއިންސާނީ ޖަރީމާތަކުގެ ތެރެއިން ލޮލުގައި އަޅައިގަތީ، އެ ހައިޖާނުގަނޑުގައި ތާށިވެފައިވާ ޒުވާނުންނެވެ. މުސްތަގުބަލަށްޓަކައި އެތަކެއް ހުވަފެންތަކެއް ދެކެފައިވާ ޒުވާނުންނެވެ. އަމިއްލަ ފައިމައްޗަށް ތެދުވެ، ހަރުދަނާ ޖީލެއްގެ ހިއްސާދާރަކަށް ވުމަށްޓަކައި ރެޔާ ދުވާލު މަސައްކަތް ކުރަމުން އަންނަ ޒުވާނުންނެވެ. އާއިލާގެ ޒިންމާ ނަގައި، އަމިއްލަ ޤާބިލިއްޔަތުކަމުގެ ޒަރީޢާއިން ދިރިއުޅުމަށް ހެޔޮ ބަަދަލުތަކެއް ގެނައުމަށް އުއްމީދުކުރަމުން އަންނަ ޒުވާނުންނެވެ. 1948 ވަނަ އަހަރުން ފެށިގެން، އަދިއަދަށްވެސް ހުއްޓުމެއްނެތި ކުރިޔަށްދާ ޤަތުލުޢާއްމުގެ ހާލީގައި، އުމުރުގެ ދުވަސްތަށް ގުނަމުންދާ ފަލަސްތީނުގެ އާރުކާޓީންނެވެ.

ޞަހްޔޫނީން ހިންގަމުންދާ ޤަތުލުޢާއްމުގެ ތެރެއިން، އެކި ކަންކަމުގައި ފަލަސްތީނުގެ އެތަކެއް ޒުވާނުންނެއް މަސްއޫލުވެ އުޅޭތީ ފެނެއެވެ. އުމުރުން ހަނގު، ދިރިއުޅުން އަދި ރަނގަޅަށް ނުފެށި އުޅޭ ޒުވާނުންނެވެ. ސިއްޙީ ދާއިރާގައެވެ. ޑަކްޓަރުންނާއި ނަރުހުންގެ ގޮތުގައެވެ. ތަޢުލީމު ހާސިލް ކުރަމުން، ހަސްފަތާލުގެ ޑިއުޓީއަށް ނުކުންނަ ކުދިން ގޮތުގައެވެ. އަނިޔާ ލިބިފައިވާ ޢާއްމުން ހޮސްޕިޓަލަށް ގެނައުމަށް އެމްބިއުލާންސްގެ ދަތުރުތައް ކުރުމުގައެވެ. މީގެ އިތުރުން، 'ރެސްކިއު ޓީމް' ނުވަތަ އިމާރާތްތައް ދަށުން މީހުން ނެރެ، ސަލާމަތްކުރުމުގެ ދާއިރާގައި ހަރަކާތްތެރިވަމުންދާ ހިތްވަރުގަދަ ބަތަލުންނެވެ. ރެޑް ކްރެސެންޓުގެ ޖެކެޓުގައި އަވަދިނެތި އަތްފުނާ އަޅަމުންދާ ޒުވާނުންނެވެ. ނޫސްވެރިންނާއި ރިޕޯޓަރުންގެ ގޮތުގައި މައިދާނަށް ނުކުމެފައިވާ ކެރޭ އާރުކާޓީންނެވެ. ނޫސް މަޖައްލާތަކާއި ޚަބަރުތަކުގެ އިތުރުން، ލާއިންސާނީ ޖަރީމާތަކުގެ އެންމެފަހުގެ ތަސްވީރުތައް ދުނިޔޭގެ ކުރިމައްޗަށް ނެރުމަށް ނުކުމެ ތިބީވެސް ފަލަސްތީނުގެ ޒުވާނުންނެވެ. ހަމައެކަނި ވަކި ދާއިރާތަކަށް ނިސްބަތްވާ ޒުވާނުންނެއް ނޫނެވެ. ޢާއްމުންގެ ތެރޭގައި ތިބީވެސް އެފަދަ ހިތްވަރާއި ސާބިތުކަމުން ފުރިފައިވާ ޒުވާނުންނެވެ. ޔުނީފޯމެއް އެގަޔަށް މެހިފައި ނެތަސް، އެ މޭމަތީގައި ޖެކެޓެއް ނެތްނަމަވެސް، ލާފައިވާ އާދައިގެ އަންނައުނުގައި މަސައްކަތް ކުރަނީ، އިމާރާތްތަށް ދަށުގައި ތިބި މީހުން ސަލާމަތްކޮށް ފަރުވާދެވޭނެތާކަށް ގެންދެވޭތޯއެވެ. މުޅި ގައިގައި އަޅިއާއި ހިރުފުހުގެ ސާލުތައް ވިޔަސް ފަރުވާލެއްނެތިއެވެ. 

މި ޒުވާނުންގެ ހުވަފެންތަކެއް ނުވާނެ ހެއްޔެވެ؟ ކައިވެންޏެއްކޮށް، އަމިއްލަ ދިރިއުޅުމެއް ފެށުމުގެ އުއްމީދުތައް ނުގެންގުޅޭނެ ހެއްޔެވެ؟ އަތްބަކާއި ފިރިއެއްގެ ހައިސިއްޔަތުން ހަޔާތުގެ އައު ބާބެއް ލިޔަން ބޭނުން ނުވާނެ ހެއްޔެވެ؟ ލޯބީގެ ކަހާނީތަކާއި ދާސްތާނުތައް ފެށުމުގެ ކުރިން އެކަން ވަނީ ވުޖޫދުން ފޮހެލާފައެވެ. ކައިވެނީގެ ދަޢުވަތު މީހުންނަށް ދީ ނިންމި ފަހުން، ކައިވެނީގެ ހުވަފެން ދެކެމުން އައި ޒުވާނުންގެ ތެރެއިން ކޮންމެވެސް އެކަކު ވަނީ ޝަހީދުކޮށްލާފައެވެ. ތައްޔާރުވަމުން އައި ކައިވެނީގެ ބަދަލުގައި ކުރަން ޖެހެނީ ކަށު ނަމާދެވެ. ކައިވެނީގެ ހަފްލާގެ ބަދަލުގައި ކުރިޔަށް ގެންދަން ޖެހެނީ ޖަނާޒާއެވެ. މިއީ އެއ ޒުވާނުންގެ ލޯބީގެ ދާސްތާނުގައިވާ ހިތި ޞަފްޙާތަކެވެ. އެއީވެސް އަހަރުމެން ކަހަލަ އިންސާނުންނެވެ. މުސްތަގުބަލަށްޓަކައި ކިތަށްމެ ކަމެއް ރާވާފައި ހުންނާނެއެވެ. އަމިއްލަ އާއިލާއެއް ފަށައި، އުފާ ފާގަތި ދުވަސްތަކެއްގައި އަމިއްލަ ދަރިން ދިރިއުޅޭތަން ދެކިލާ ހިތްވާނެއެވެ. މައެއްގެ ގޮތުގައި މައިވަންތަ ކުލުނާއެކީ ދަރިފުޅަށް ލޯބިދޭން ބޭނުންވާނެއެވެ. ބައްޕައެއްގެ ހައިސިއްޔަތުން ދަރިފުޅުގެ ހުރިހާ ބޭނުންތައް ފުއްދައިދީ، އޯގާތެރި ހިތަކުން އެ ދަރިފުޅުގެ ކޮލުގައި ބޮސްދޭން ބޭނުންވާނެއެވެ. އެ ދަރިފުޅު އަޅާ އެންމެ ފުރަތަމަ ފިޔަވަޅާއެކު، އެ ކުޑަކުޑަ ފައިން ހިނގަމުން އައިސް އުނގުތެރެއަށް ވަންނަ ވަގުތު، ލޯބިން ބައްދާލަން ބޭނުންވާނެއެވެ. ދަރިންނާއެކު ވަގުތު ހޭދަކޮށް އެ ދަރިން ބޮޑެތިވަމުން އަންނަކަމަށް އެ ދެލޮލުން ހެކިވާން ބޭނުންވާނެއެވެ.

ނަމަވެސް ނުރައްކަލުގެ ސަފަށް އެ ޒުވާނުން ނުކުތީ އަމިއްލަ ފެންވަރުން ކުރެވޭނެ ހުރިހާ ކަމެއް ކުރުމަށެވެ. އަމިއްލަ ވަތަނާއި، އަޚުންނާއި އުޚުތުންގެ ހައްޤުގައި އަލި މަގެއް ފެނޭތޯވެ. ފެނުޖެހިފައިވާ ހަތަރު އުދަރެސްތެރެއިން އުޖާލާކަމެއް ފާޅުވޭތޯއެވެ. ޖަނަވާރީ ޞަހްޔޫނީންގެ އަސްލު ސޫރަ ދުނިޔެއަށް ހާމަކުރުމަށެވެ. ކައިވެންޏެއްކޮށް އަމިއްލަ އާއިލާއެއް ފެށުމުގެ ބަދަލުގައި، ވިއްސިވިހާލިވެފައިވާ އިމާރާތްތައް ދަށުން ރައްޔިތުންތައް ނެރެނީއެވެ. އަލަތުކައިވެނީގެ ބައިވެރިޔާ ގެއަށް ގެނައުމުގެ ބަދަލުގައި، އެ ބައިވެރިޔާގެ ޝަހީދުކޮށްލާފައިވާ ހަށިގަނޑު، ވަޅުލުމަށްޓަކައި ޤަބުރުސްތާނަށް ގެންދަނީއެވެ. ދަރިންގެ ހަރަކާތްތަކާއި މައުސޫމު ސޫރައިގެ ތަސްވީރުތައް ކެމެރާގައި ރައްކާކުރުމުގެ ބަދަލުގައި، ފޮޓޯ ނަގައި، ވީޑިއޯކޮށް ޑޮކިއުމެންޓް ކުރަމުން އެދަނީ ފަނާވެ ހަލާކުވަމުންދާ ގައްޒާއެވެ.

އާނއެކެވެ. އެއީ ފަލަސްތީނެވެ. އެތަނެއްގައި ދެކޭ ހުވަފެންތަކުގައި ހަޤީޤީ ކުލަ ޖެއްސުމުގެ ކުރިން، އެ ކުލަ ޖައްސާނޭ ފިހި، އެބައެއްގެ އަތުން ފޭރިގަންނަ ތަނެވެ. ޒުވާން އުމުރުގެ ދުވަސްތައް އެ ހަރުތާލުގަނޑެއްގެ ތެރޭގައި ވޭތުވެދާ ފަލަސްތީނެވެ. މުސްތަގުބަލަށްޓަކައި ކުރާ އުއްމީދުތައް، ހަމައެކަނި އުއްމީދުގެ ގޮތުގައި އޮވެ ނިމިގެންދާ ގައްޒާއެވެ. ޤަތުލުވަމުންދާ ހުވަފެންތަކާއި ޒުވާން އުމުރެވެ. ހައްތަހާވެސް ޔަހޫދީންގެ އަނިޔާވެރިކަމުން ނުކުންނަ ވޭނީ ނަތީޖާތަކެވެ.