ބ. އަތޮޅު ތައުލީމީ މަރުކަޒުގެ ދަރިވަރުންނަށް ކުރިމަގު ޕްރޮގްރާމް ކުރިއަށް ގެންގޮސްފި

އޭދަފުށީގައި ހުންނަ ބ. އަތޮޅު ތައުލީމީ މަރުކަޒުގެ ދަރިވަރުންނަށް ކުރިމަގު ޕްރޮގްރާމް ކުރިއަށް ގެންގޮސްފިއެވެ.

މި ޖުލައި މަހުގެ 19 އިން 20 އަށް ކުރިއަށް ގެންދިޔަ މި ޕްރޮގްރާމަކީ ބ. އަތޮޅު ތައުލީމީ މަރުކަޒުގެ ގްރޭޑް 4 އިން 7 އަށް ތައުލީމު ހާސިލުކުރަމުންދާ ދަރިވަރުންނަށް ކުރިއަށް ގެންދިޔަ ޕްރޮގްރާމެކެވެ.

މި ޕްރޮގްރާމުގައި، މުއާމަލާތުކުރުމުގެ ހުނަރު، ކަންކަމުގައި ގޮތް ނިންމުން، ހެޔޮލަފާ ކުދިންތަކެއްގެ ގޮތުގައި ދެމިތިބުން، ރުޅި ކޮންޓްރޯލުކުރުން އަދި ޓީމެއްގެ ގޮތުގައި މަސައްކަތްކުރުމުގެ ތަފާތު ހުނަރުތައް ދަރިވަރުންނަށް ދަސްކޮށްދިނުމަށް އެކި ހަރަކާތްތައް ކުރިއަށް ގެންގޮސްފައިވެއެވެ.

217 ދަރިވަރުންނާއެކު މި ޕްރޮގްރާމް ކުރިއަށް ގެންގޮސްފައިވަނީ ޕަބްލިކް ޓްރަސްޓް އެންޑް ކޮންފިޑެންސް މެނޭޖްމަންޓުގެ ކްރައިމް ޕްރިވެންޝަނާއި ބ. އަތޮޅު ފުލުހުން ގުޅިގެންނެވެ.

މި ޕްރޮގްރާމުގައި ދަރިވަރުންނަށް މައުލޫމާތުދެއްވީ ޕަބްލިކް ޓްރަސްޓް އެންޑް ކޮންފިޑެންސް މެނޭޖްމަންޓުގެ ހެޑް ޗީފް ސުޕްރިންޓެންޑެންޓް އޮފް ފާޠިމަތު ނަޝްވާއާއި ކްރައިމް ޕްރިވެންޝަންގެ މުދައްރިބުންނާއި ބ. އަތޮޅު ޕޮލިސް ސްޓޭޝަންތަކުގެ ފުލުހުންނެވެ.