ދުނިޔޭގައި އިންސާނުން އުޅެމުން ދާއިރު އެކި އެކި މައްސަލަތަކާއި ހާދިސާ ތަކާއި މުސީބާތްތައް އިންސާނުންނާއި ކުރިމަތިވެދެއެވެ. މިއީ ދުނިޔެ ތަމްސީލު ކުރާ ހަގީގަތް ތަކެވެ. އެހެން ނަމަވެސް މިގޮތައް ދިމައިވާ ކަންކަމުގައި އަބަދުވެސް ކޮންމެވެސް ބަޔަކު ކުއްވެރި ކުރެވޭ މަންޒަރު ފެނެއެވެ. 

އާދޭހެވެ! މުޖުތަމައެއްގެ ވަކި ބަޔަކު ކުރާ ކުށުގެ ސަބަބުން މުޅި މުޖުތަމައަށް އާންމުވެ ޝާމިލްވާގޮތައް ކޯފާ އައިސްދާނޭކަން އަހަރެމެން ޤަބޫލު ކުރަމެވެ. މިކަން މިގޮތައް ޤަބޫލު ކުރި ނަމަވެސް ތިމަ ތިމާމެންގެ ޒިންމާތަކާއި މަސްއޫލިއްޔަތުތައް ވާނޭކަންވެސް ޤަބޫލުކުރެވެއެވެ. އެހެންކަމުން މިފަދަ ހާލަތްތަކުގައި އެންމެ ރިވެތިވެގެން ވާނީ، ވަކި ބަޔަކާ ދިމާލަށް އިނގިލި ދިއްކުރުމުގެ ބަދަލުގައި ތިމާގެ އަމިއްލަ ނަފްސަށް، ތިމާގެ މަސްއޫލިއްޔަތާއި، އެމަސްއޫލިއްޔަތު ތިމާ އަދާކުރީ ކިހާ މިންވަރަކަށްތޯ ސުވާލުކުރުމެވެ. ނަފްސު އިސްލާހު ކުރެވުމުގެ އިތުރުން މުޖުތަމައުގައި ހަމަޖެހުން ގާއިމު ކުރެވޭނީވެސް މި އުސޫލުން ކަން ކަން ކުރެވިގެންނެވެ.

ދަންނާށެވެ! ބަޔަކު ކުރި ކުށެއްކަމަށްވެސް ވެދާނެއެވެ. އަދި އެއީ ކޮންބައެއްކަން ވެސް އެނގިދާނެއެވެ. ކަން އޮތީ އެހެން ކަމަށްވާނަމަ، ކަމާބެހޭ ފަރާތްތަކާއި އެމީހަކު ނުވަތަ ބަޔަކު ހަވާލުކުރާށެވެ. ތިމާ ވިސްނަންވީ އެބަޔަކު އެކުރި ކުށެއް ތިމާ އަށް ހުއްޓުވެން އޮތްތޯއެވެ. ތިމާގެ ވާޖިބު ތަކާއި މަސްއޫލިއްޔަތު އެކަމަށް ތަންދޭ މިންވަރާއި ތިމާއަށް އެކަން ކުރެވުނު މިންވަރެވެ. މިގޮތައް އެމީހެއްގެ އަމިއްލަ ނަފްސު ހިސާބުކޮށްފި ނަމަ، ދެވަނަ ފަހަރަށް އެފަދަ ކަމެއް ތަކުރާރުވިޔަ ނުދިނުމަށް އެމީހަކަށް ކުރެވެން ހުރި ކަމެއް ކުރެވޭނެކަން ނުވަތަ ކުރާނެކަން ޔަގީނެވެ.

ވެ ނިމުނު ކަމެއްގެ ފަހަތުން ނުނެއްޓި އެކަމުގެ ފަހަތުން ދުވާކަމުގައި ވަނީނަމަ، ޖެހޭނީ ހައްތަހާ ދުވާވަރެވެ. އޭގެ ބަދަލުގައި އެފަދަ މައްސަލައެއް ނުވަތަ ކަމެއް ދިމައިވުމުން، އެކަމުގެ ސަބަބު ހޯދުމާއި އެކު ތިމާއަށް އެކަމުގައި ފޯރުކޮށްދެވެން އޮތް އެހީތެރިކަމެއް ތިމާ އަމިއްލަ އަށް ވިސްނާ އެކަމެއް ކޮށްދިނުން މާ އައުލާކަން ބޮޑެވެ. އެހެނީ އެކަމެއް ތަކުރާރުވުން ހުއްޓިދާނެތީއެވެ.

ޖަމާއަތުގެ މެދުގައި އޮންނަ ބައިބައިވުން ކުޑަވެ، އެކުވެރި ބަދަހި ޖަމާއަތެއް ގާއިމުވުމެވެ. 

މީސް މީހުންނަށް އިނގިލި ދިއްކުރުމަކީ ފިތުނައިގެ ހުޅު ރޯކުރަން ކުރެވޭ ކަމެކެވެ. މިއީ އޭގެ ސަބަބުން ދެދުނިޔޭގެ އަބާއްޖަވެރިކަން އެމީހަކަށް ހުރި ކަމެކެވެ.