މިއީ އަވައްޓެރި ޕާކިސްތާނުގައި ހިނަގައިދިޔަ ހާދިސާއެކެވެ. މިވާހަކަ ހިއްސާކޮށްދެއްވީ އެގައުމުގެ ރައްޔިތެކެވެ. މިވާހަކަ ހިއްސާމިކޮށްލަނީ އެފަރަރާތުގެ ހުއްދައާއި އެކުގައެވެ.

އެގައުމުގެ ސުކޫލެއްގައި ކިޔަވައިދެމުން އަންނަ މުދައްރިސެކެވެ. އޭނާ އަކީ ދަރިވަރުންނާއި ގުޅޭ، ރަނގަޅު، ކުޅަދާނަ މުދައްރިސެކެވެ. މުޅި ސުކޫލު އެ މުދައްރިސަކަށްޓަކައި ފަހުރުވެރިވާ މުދައްރިސެކެވެ. ޤުރުއާން މުދައްރިސެކެވެ. ނަމަވެސް އޭނާގެ ހަޔާތް އެފުއްމިފުށަން ޖަހާލަން ހޭދަވީ އެންމެ ދުވަހެއްގެ 15 ވަރަކަށް މިނެޓެވެ. 

ކެހިވެރި ހީލަތްތެރި ދަރިވަރުންވެސް މި ދުނިޔޭގައި އުޅެއެވެ. އެއީވެސް އެފަދަ ގޮތެއްނެތް ދަރިވަރެއްގެ ވިހަގަދަ އަމަލަކުން ދިމާވި ކަމެކެވެ. މި ދަރިވަރަކީ އުމުރުން 15 އަހަރުގެ އަންހެން ދަރިވަރެކެވެ. އޭނާގެ ފުރާވަރު ދުވަސްވަރެވެ. ބަލައިލައިލާކަށް އަމުދުން މި ގޮއްޔެ ހުތުރެއްވެސް ނޫނެވެ. ނަމަވެސް ހިތާމައަކީ ކިޔަވަން ނޫޅުމެވެ. ކިޔެވުމުގެ ޝައުގު ކިރިޔާވެސް އެ ގޮއްޔެގެ ހިތުގައި ނެތީއެވެ.

މަދަރުސާގެ އާންމު އިމްތިހާނެކެވެ. އެ އަންހެން ކުއްޖާގެ ކުލާހުގެ ހުރިހާކުދިން ފާސްވި އިރުވެސް އެ ކުއްޖާ ފާހެއް ނުވިއެވެ. އެއީ ޤުރުއާން އިމްތިހާނެކެވެ. އެ ކުއްޖާއަށް އެކުރިމަތިމި ކަމަކުން ވަރަށް ގިނަ އެހެން ކުދިންގެ މަލާމާތްވެސް އެކުއްޖާއަށް ރައްދުވިއެވެ. އެހެނީ އެއީވެސް އިސްލާމެކެވެ. މުސްލިމެކެވެ. އާދަވެ ކިޔަވާ ޤުރުއާނުން ފާސް ނުވީމާ ދެން މަލާމާތްވެސް ކުރެވިދާނެއެވެ. 

މި އަންހެން ކުއްޖާގެ ވިސްނުން އަދި މާ ގޯހެވެ. ޤުރުއާން ޓެސްޓުން ފާސްނުވުނުގެ ސަބަބުން އެކަމުގެ ހަސަދަ އާއި ރުޅިވެރިކަން ބެހެއްޓީ އޭނާގެ ޤުރުއާން މުދައްރިސަށެވެ. އެކަމުގެ ބަދަލު ހިފަން މި އަންހެން ކުއްޖާ ގަސްތުކުރިއެވެ.

އެއްދުވަހެއްގެ ކުލާސްގަޑި ނިމުމަށްފަހު ކުދިންތައް ސުކޫލުން ނުކުންނަ ވަގުތެވެ. މި އަންހެން ކުއްޖާވެސް އެންމެންނާއި އެކު ނުކުންނަށް ދިމާކުރުމަށްފަހު އޭނާގެ މިސްރާބު ބަދަލު ކޮށްލިއެވެ. މުދައްރިސުންގެ ކޮޓަރިތަކާއި ދިމާލަށެވެ. އެތަނުގައި އޭނާ އިރުކޮޅަކު މަޑުކުރިއެވެ. ޤުރުއާން މުދައްރިސުގެ އިންތިޒާރުގައެވެ. އޭނާ މުދައްރިސަށް ފާރަވެރިވިއެވެ. އަދި މުދައްރިސްގެ ފަހަތުން ސިއްރުން ހިނގަމުން ދިޔައެވެ.

ސުކޫލުގެ އިމާތުގެ ތެރޭގައި ހުރި ގޯޅިއަކުން މުދައްރިސް ގޯޅި އެޅިއެވެ. އެ ގޯޅީގައި އެއްވެސް މީހަކު ނެތެވެ. މި ދަރިވަރު އަވަސް އަވަހަށް ގޮސް، މުދައްރިސުގެ ގައިގައި ބައްދާ އޮޅުލައިގެތެވެ. އަދި ދެމީހުން އެކުގައިމެ ބިންމަށްޗަށް ވެއްޓުނެވެ. މި ދަރިވަރު އަމިއްލަ އަށް އޭނާގެ ބުރުގާވެސް ބޭލިއެވެ. އަދި އަޑުގެ ނެތްތަނަށް ހަޅޭލެވިއެވެ.

އިސާހިތަކު އެ ގޯޅިއަށް މީހުންތައް ޖަމާވެއްޖެއެވެ. މުޅި މަންޒަރު އެފުށް މިފުށަށް ޖަހަމުންނެވެ. ކުށެއް ނެތް އެ މައުސޫމު މުދައްރިސްގެ ބޮލުގައި ނަޖިސް ތުހުމަތެއް އެޅުވިއެވެ. އެ ދަރިވަރު ތަކުރާރުކޮށް އެވާހަކަ އެގޮތަށް ދެއްކިއެވެ. ނަމަވެސް މުދައްރިސަށް ބަހެއް ކިޔުމުގެ ފުރުސަތެއް އެތަނަށް އެއްވެ ތިބި އެކަކުވެސް ނުދިނެވެ. އެ ރީތި އަންހެން ދަރިވަރުގެ ދިފާއުގައި އެންމެން ތެދުވިއެވެ. ކުށެއްނެތް މައުސޫމު މުދައްރިސްގެ ދިފާއުގައި ބަހެއް ބުނާނޭ ހަމަ އެކަކުވެސް އެތާކު ނެތެވެ.

މިހާދިސާއަށް ފަހު އެ މުދައްރިސް ސުކޫލުން ވަކި ކުރިއެވެ. އަދި ކުރިން އޭނާއަށް ކުރަމުން އައި އިހްތިރާމު މުޅި މުޖުތަމައުން ގެއްލުނެވެ. ނަމަވެސް ޝަރީއަތާ ހިސާބުން، ޝަރީއަތުގެ އެކި މަރުހަލާތަކަށް ފަހު މައުސޫމު މީހެއްގެ ގޮތުގައި އޭނާ މުޖުތަމައަށް އައެވެ. އެހެނަސް މުޖުތަމައު އޭނާ ބަލައެއް ނުގަތެވެ. ގޮތެއް ނެތް ދަރިވަރެއްގެ ނަޖިސް އަމަލަކުން އެ ގަދަރުވެރި މުދައްރިސްގެ މުޅި ހަޔާތް ބަރުބާދުވީއެވެ. ހެޔޮވާނީ ކިހިނަކުން ހެއްޔެވެ؟