ޑީ ބްލޫ ޕްރައިވެޓް ލިމިޓެޑްގެ މެރިން ވައިބްގެ ޝޯރޫމް އަދި ސަރވިސް ސެންޓަރ ހުޅުވާ  ހޮންޑާ އައުޓްބޯޑު އިންޖީނު ރާއްޖެ އަށް ތައާރަފު ކޮށްފިއެވެ.
ހޮންޑާ މެރިން ވައިބް ސަރވިސް ސެންޓަރ ހުޅުވައި ދެއްވާ މިހަފްލާ އިފްތިތާހް ކޮށްދެއްވީ ރާއްޖޭގެ ޓްރާންސްޕޯޓް މިނިސްޓަރ އައިޝަތު ނަހުލާ އެވެ.


މިރަސްމިއްޔާތުގައި މެރިން ވައިބްގެ ޑިރެކްޓަރ މުހައްމަދު ހަނީފް އަދި މެނޭޖިންގ ޑިރެކްޓަރ މުހައްމަދު ހަލީމް ވަނީ ވާހަކަފުޅު ދައްކަވާފައެވެ.


ހުޅުވިގެންދިޔަ ހޮންޑާ މެރިން ސެންޓަރާއެކު، ހޮންޑާ އައުޓްބޯޑް އިންޖީނަށް ޕްރީއޯޑާ ކުރުމުގެ ފުރުސަތު ވެސް މެރިން ވައިބުން ވަނީ ހުޅުވައިލާފަ އެވެ.
މި އިންޖީނު ތައާރަފު ކުރުމަށް ގިނަ ދިރާސާތަކެއް ހޮންޑާ ކުންފުންޏާއި ޑީ ބްލޫ މެރިން އިން ވެސް ވަނީ ކޮށްފަ އެވެ. އެގޮތުން، ދުބާއީން ހޮންޑާ އައުޓްބޯޑް އިންޖީނެއް ގެނެސް ރާއްޖޭގައި ޓެސްޓު ކޮށްފައިވާއިރު، ހޮންޑާގެ އިސް ބޭފުޅުންތަކެއް ރާއްޖެ ވަޑައިގެން މާކެޓުގެ ރިސާޗެއް ވަނީ ހަދައިފަ އެވެ.


ހޮންޑާ މެރިންއާއެކު ހޮންޑާ އައުޓްބޯޑު އިންޖީނުގެ ފުލް ސޮލިއުޝަން ލިބޭނެ އެވެ. އެގޮތުން، އާފްޓަރ ސޭލްސް ސާވިސް އާއި އިންޖީނަށް ބޭނުންވާ ސްޕެއާ ޕާޓްތައް ވެސް ހޮންޑާ މެރިން ސެންޓަ އަދި ހޮންޑާ މެރިން ސާވިސް ސެންޓަރު މެދުވެރިކޮށް ލިބޭނެ އެވެ. މި ސާވިސް ސެންޓަރުގައި މަސައްކަތް ކުރާނީ ހޮންޑާ އިންޖީނު ހެދުމުގެ ތަމްރީން ލިބިފައިވާ މުވައްޒަފުންނެވެ.
މެރިން ވައިބްގެ ހޮންޑާ މެރިން ސެންޓަރ ހުންނާނީ އެ ކުންފުނީގެ ޑީ ބްލޫ މެރިން ފިހާރަ ކައިރިން، މ. ނިމްސާ ވިއުގެ ތިރީ ބައިގަ އެވެ. މި ފިހާރަ ކޮންމެ ދުވަހެއްގެ  ހެނދުނު 9:00 އިން ހަވީރު 6:00 އަށް ހުޅުވާފައި ހުންނާނެ އެވެ.