ދުނިޔޭގެ ތެލުގެ ބާޒާރުގައި ތެލުގެ އަގު މަތިވަމުން ދިޔުމާއި ގުޅިގެން ސްޓޭޓް ޓްރޭޑިންގ އޯގަނައިޒޭޝަން، އެސްޓީއޯއިން ވިއްކާ ތެލުގެ އަގަށް ބަދަލު ގެނެސްފިއެވެ.

އެސްޓީއޯއިން ހާމަކުރިގޮތުގައި، ރަޝިޔާ ޔޫކެރޭން ހަނގުރާމައާއި ގުޅިގެން ދުނިޔޭގެ ބާޒާރުގައި ތެލުގެ އަގު ދަނީ ހިފެހެއްޓުމެއްނެތި އުފުލެމުންކަމަށާއި މިހެން ދިމާވުމާއި ގުޅިގެން އެސްޓީއޯއިން ވިއްކާ ތެލުގެ އަގު ބޮޑުކުރަން ނިންމާފައިވާ ކަމަށެވެ.

މއަދުން ފެށިގެން ފިއުލް ސަޕްލައިސް މޯލްޑިވްސްގެ ސްޓޭޝަންތަކުން ޕެޓްރޯލް ލިޓަރެއް ލިބޭނީ 11.60 އަށް އަދި ޑިސަލް ލިޓަރެއް 11.80 އަށެވެ.

އެސްޓީއޯއިން މިދިޔަ މަހުގެ 13 ވަނަ ދުވަހުވެސް ވަނީ ތެލުގެ އަގަށް ބަދަލުގެނެސްފައެވެ. އެފަހަރުވެސް އެސްޓީއޯއިން ތެލުގެ އަގަށް ބަދަލު ގެނައީ ދުނިޔޭގެ ބާޒާރުގައި ތެލުގެ އަގު އުފުލި އެސްޓީއޯއާށް ތެޔޮ ގަންނަން ލިބޭ އަގު ބޮޑުވުމާއި ގުޅިގެންނެވެ.