ބަހްރެއިން އަށް އެންމެ ދިގުމުއްދަތަކަށް ހިދުމަތް ކުރެއްވެވި ޕްރައިމް މިނިސްޓަރ ޕްރިންސް ޝޭޚް ހަލީފާ ބިން ސަލްމާން އަލް ހަލީފާ އަވަހާރަވެއްޖެއެވެ. އެމަނިކުފާނު އަވަހާރަވީއިރު އުމުރުފުޅަކީ 84 އަހަރެވެ.

ދުނިޔޭގެ އެންމެ ގިނަ ދުވަހު ޕްރައިމް މިނިސްޓަރެއްގެ ގޮތުގައި ހުންނެވި ޝޭޚް ހަލީފާ އަވަހާރަވީ މިއަދު ހެނދުނު އެމެރިކާގެ މާޔޯ ކްލިނިކްގައި ފަރުވާދެމުންދަނިކޮށްށެވެ. މިކަމުގެ ހިތާމައިގައި ބަޙްރެއިންގެ ދިދަ ހަފްތާއެއް ވަންދެން ބައިދަނޑިއަށް ތިރިކުރެވޭނެ ކަމަށް ގަލްފްގެ ރަސްގެފާން ޝެއިޚް ހަމަދް ބިން އީސާ އަލް ހަލީފާ ވިދާޅުވިއެވެ.

ޝެއިޚް ހަލީފާ ވަނީ 1971 ވަނަ އަހަރުން ފެށިގެން ބަޙްރެއިންއަށް ޕްރައިމް މިނިސްޓަރެއްގެ ގޮތުގައި ހިދުމަތް ކުރައްވާފައެވެ. އެމަނިކުފާނުގެ ހަށިގަނޑު ބަހްރެއިން އަށް ގެނައުމުގެ މަސައްކަތް މިހާރު ދަނީ ކުރިއަށް ކަމަށާއި ހަށިގަނޑު ގެނެވުނު ހާއަވަހަކަށް ފަސްދާނުލުމުގެ ކަންކަން ކުރިއަށް ގެންދާނެކަމަށް އެގައުމުން ހާމަކުރެއްވިއެވެ.

އެމަނިކުފާނު ދުނިޔޭގެ އަލިކަން ދެކެވަޑައިގެންނެވީ 24 ނޮވެމްބަރު 1935 ވަނަ އަހރުއެވެ. މީގެ ކުރިން އެމަނިކުފާނު ވަނީ ބަހްރައިން ގެ ސްޓޭޓް ކައުންސިލްގެ މަގާމާއި ހެޑް އޮފް ސްޕްރީމް ޑިފެންސް ކައުންސިލްގެ މަގާމު ފުރުއްވާފައެވެ.