މ. މުލީ ފެނަކަ ބިމުގެ ދެކުނު ފަރާތު ވަލުތެރޭގައިވާ ރައްޔިތު އަންހެންވެރިންގެ ރުއްތައް މީލާދީން 03 (ތިނެއް) އަހަރު ދުވަހުގެ މުއްދަތަށް ކުއްޔަށް ދޫކުރަން މ.މުލީ އަންހެނުންގެ ތަރައްގީއަށް މަސައްކަތްކުރާ ކޮމިޓީއިން ވަނީ ނިންމާފައެވެ.

މި ރުއްގަނޑުގައި ފޯދިފައިވާ 46 ރުއް ހިމެނޭ ކަމަށް ވަނީ ހާމަކޮށްފައެވެ.

މި ރުއްގަނޑު ކުއްޔަށް ހިފުމަށް ހުށަހެޅޭނެ އެންމެ ކުޑަ އަގަކީ މަހަކަށް -/500 (ފަސް ސަތޭކާ) ރުފިޔާކަމަށާއި މި ރުއްގަނޑު ކުއްޔަށް ދޫކުރާނީ އެންމެ މަތިން މާކްސް ލިބޭ ފަރާތަކަށް ކަމަށް އިއުލާންގައި ވަނީ ހާމަކޮށްފައެވެ.

ރުއްގަނޑު ކުއްޔަށް ހިފާ ފަރާތުގެ ޒިންމާގެ ތެރޭގައި މަދުވެގެން އަހަރަކު 2 ފަހަރު ރުއްތައް ސާފުކުރުމާއި ރުކުއެޅުމުގެ ތެރޭގައި ރުއްދޮށަށް އެޅޭ ކުންޏާއި ރުއްސާފުކުރުމުން އެލޭ ކުނި ނަގައި ސާފުކުރުން ، ހިނގާ މމީހުންނާއި ދުއްވާ  ތަކެއްޗަށް ދަތިނވާހެން ރުކުގައި ހުންނަ ހިކިފަންތައް ކޮށުމުގެ އިތުރުން އެއްވެސް ހާލެއްގައި މިރުއްގަނޑާށް ގެއްލުންލިބޭ ފަދަ ކަމެއް ނުކުރުން ވަނީ ހިމަނާފައެވެ.

މިރުއްގަނޑު ހިފުމަށް ހުށައެޅޭ އެންމެ ކުޑައަގަކީ 500 ރުފިޔާ ކަމަށާއި ރުއްގަނޑު ކުއްޔަށް ދޫކުރަނީ 1 ޖެނުއަރީ 2024 ވަނަ ދުވަހުން ފެށިގެން މީލާދީ ތިންއަހަރު ދުވަހަށް ކަމަށް ވަނީ ހާމަކޮށްފައެވެ.