އަލްރޯޒާ ސްޕެކްޓެކަލް" ގެ ނަން ދީފައިވާ މި ޖަވާހިރަކީ 2016 ގައި ކެނޑި އިރު އަސްލު ބަރުދަނުގައި 200 ކެރެޓަށް ވުރެ ބޮޑު ޑައިމަންޑެއް ނަމަވެސް ކޮށާމަށާއި ސާފު ކޮށް ނިމުން އިރު ހުރީ 100.94 ކެރެޓް ކަމަށް މައުލޫމާތު ލިބެއެވެ. މިއީ ރަޝިޔާއިން މިހާތަނައް ކެނޑި އެންމެ ބޮޑު ޑައިމަންޑެވެ.

މި ޑައިމަންޑް ރަޝިޔާ އިން ވިއްކާލަން ނިންމާފައިވަނީ 19.96 މިލިއަންއަށް މި މަހުގެ 12 ވަނަ ދުވަހު ސްވިޓްޒަލެންޑްގެ ޖެނީވާގައި ބާއްވާ ނީލަމުގައި އެވެ. ކްރިސްޓީޒް އޮކްޝަން ހައުސް އިން އިންތިޒާމުކޮށްގެން ބާއްވާ ނީލަމުގައި ވިއްކާލާ ރަޝިއާގެ އެންމެ ބޮޑު ޖަވާހިރާ ބެހޭ ގޮތުން ކްރިސްޓީޒްގެ ޖުވެލަރީ ޑިޕާޓްމަންޓްގެ ސްޕެޝަލިސްޓް މޭރީ-ސިސެލް ސިޒަމޯލޯ ވިދާޅުވީ މިހާރު ވިއްކާލަން ނިންމާފައި އޮތް އަގަށް ވުރެ ވޮޑު އަގެއް ޖަވާހިރަށް ލިބޭނެކަމުގެ އުންމީދު ބޮޑު ކަމަށެވެ. އޭނާ އިތުރަށް ވިދާޅުވި ގޮތުގައި އެ ޑައިމަންޑަކީ ވަރަށް ރީތި ކޮށް ކޮށާމަށާ ފައިވާ ޑައިމަންޑެއް ކަމަށާއި އޭތި ނިންމަން ގާތް ގަނޑަކަށް ދެ އަހަރު ހޭދަ ވާނެކަމަށް ލަފާ ކުރާކަމަށެވެ.