ސެންޓްރަލް އެމްޕީ ކަރެލީ ކައިރީގައި އޮންނަ ޕިޕަރިޔާ އަވަށުގައި ޕެރޮޓަކާއި ލަވް ބަރޑްއެއް  ގެންގުޅުނު ދެއެކުވެރިން އިންތިޒާމްކޮށްގެން ކުރިއަށް ގެންދިޔަ ބޮޑު ކުލަގަދަ ހަފްލާއެއްގައި ޕެރޮޓަކާއި ލަވް ބަރޑްއެއް "ކައިވެނި" ކޮށްފިއެވެ.

މި ހުރިހާ ކަމެއް ފެށިގެން އައީ “ދަރިއަކު” ފަދައިން ލަވްބަރޑް ބެލެހެއްޓި ރަމްސްވާރޫޕް ޕަރިހާރު އާއި ރިންގް ނެކްްގެ ބައްޕަފަދަ ބަދަލް ލާލް ވިޝްވަކަރްމާ ބައްދަލުވެ ރަހުމަތްތެރިވުމުންނެވެ.

ރިޕޯޓްތައް ބުނާ ގޮތުގައި ޕަރިހާރާއި ވިޝްވަކަރްމާ އެތައް ސަތޭކަ މީހުން ބައިވެރިވި މިކައިވެނި ކުރަން ތާރީހެއް ހޮވުމުގެ ކުރިން ގުރާތަކުގެ ހޮރޮސްކޯޕް (ރާހި) އެއްގޮތްތޯ ވަނީ ބަލާފައެވެ.

މިކައިވެނީގައި ބަދާލް ވިޝްވަކަރްމާ އަވަށުގެ އިސް ރަށްވެހިންނާއި ޑިސްޓްރިކްޓް މެމްބަރުން ވިޖޭ ޕަޓޭލް، އަދީއްޔާ މޯހަން ޕަޓޭލް، ޕިޓަމް ޕަޓޭލް، ދޭވީ ސިންގް ޕަޓޭލް، އަޝޯކް ޕަޓޭލް، ރާމޫ ޕަޓޭލް، ރާޖޫ ޕަޓޭލް، ޕޫރޫޝޮޓަމް ޝިވާންޔާ، ސުނިލް ޕަޓޭލް، ވިމްލޭޝް ޕަޓޭލް، ބައިވެރިވިއެވެ. އިންޑިއާގެ އެހެން ކައިވެނި ތަކާ އެއްފަދައިން މިކައިވެނީގައި ދެދޫނީގެ އާއިލާ ބީޓްތަކަށް ނަށަމުން ދިޔައެވެ.

ކައިވެންޔަށްފަހު ލަވްބަރޑް އުޅޭނީ އޭނާގެ ޕެރޮޓް ބައިވެރިޔާ އާއި އެކު އެެގޭގައި ކަމަށާއި ދޭތެރެ ދޭތެރެއިން ލަވްބަރޑްގެ ބައްޕަ ކަމުގައި ބުނާ ޕަރިހާރް ޒިޔާރަތް ކުރާނެ ކަމަށް ވަނީ ބުނެފައެވެ.