ސެޕްޓެމްބަރު 23 ވަނަ ދުވަހު ކަރަންޓް ބަޔޮލޮޖީ ޖާނަލްގައި ޝާއިއުކުރި ދިރާސާއަކުން ދައްކާ ގޮތުގައި ކުދިން މައިންބަފައިންނާ އޮންނަފަދަ ގުޅުމެއް ބުޅާ ވެސް އެމީހުންގެ ވެރިންނާ އޮވެއެވެ.

 

މިކަން ތަހުގީގު ކުރުމަށްޓަކައި އޮރެގަން ސްޓޭޓް ޔުނިވާސިޓީގެ ދިރާސާވެރިން ވަނީ ތިން މަހާއި އަށް މަހުގެ ބުޅާ ބޭނުންކޮށްގެން ބުޅަލާއި ޕްރައިމޭޓްސްގެ އެޓޭޗްމަންޓް ސްޓައިލް ވަޒަން ކުރުމަށް ބޭނުންކުރާ ޓެސްޓެއް ހަދާފައެވެ. މިޓެސްޓުގައި ކޮންމެ ބުޅަލެއް ވެސް ކޮޓަރިއެއްގައި ދެ މިނެޓް ހޭދަކުރީ އެ ބުޅަލެއްގެ ވެރިމީހާއާ އެކުގައެވެ. ދެން އެ ބުޅާ އެކަނި ދޫކޮށްލާފައި ދެ މިނެޓް ފަހުން ބުޅަލުގެ ވެރިމީހާ އެނބުރި އަންނަނީއެވެ.

 

މި ދިރާސާގެ ނަތީޖާއިން ދައްކާ ގޮތުން "ގިނަ ބުޅާ އިންސާނުން ބޭނުންކުރަނީ ރައްކާތެރިކަމާއި ގާތްގުޅުން ހޯދާ މަސްދަރެއްގެ ގޮތުގައި" ކަމަށް އޯއެސްޔޫގެ ހިއުމަން-އެނިމަލް އިންޓަރެކްޝަން ލެބުގެ ރިސާޗަރެއް ކަމަށްވާ ލީޑް އޮތޯރ ކްރިސްޓިން ވިޓަލޭ ނެރުނު ބަޔާނެއްގައި ބުނެފައިވެ އެވެ.

 

 ބުޅަލަކީ ކުޑަކުދިންނާއި އެއްވަރަށް އެމީހުންގެ ބެލެހެއްޓުންތެރިންނާ ގުޅުން އުފެއްދުމުގެ ގާބިލްކަން ބޮޑު، އިޖުތިމާއީ މަޚްލޫޤެކެވެ. 

 

މީގެއިތުރުން ޔުނިވާސިޓީ އޮފް މިޒޯރީގެ ދިރާސާތަކުން އެނގުނު ގޮތުގައި އޯޓިސްޓިކް ކުދިން ހެދިބޮޑުވާ އިރު ކައިރީ ބުޅަލެއް އުޅެންޏާ އެ ކުދިން މުޖުތަމައަށް ހޭނެން ފަސޭހަވެ އެވެ.

 

ބުޅަލާ އިންސާނުންގެ ގުޅުމަކީ ޒަމާންވީ ގާތްގުޅުމެކެވެ.