އަންހެނެއްގެ ރީތިކަން ސިފަކޮށްފައި ގިނަ ފަހަރަށް ހުންނަނީ ކޮންމެވެސް މަޖައްލާއެއްގެ ނުވަތަ އިސްތިހާރު ބޯޑެއްގައެވެ.މިފަދަ ޞަފްޙާތަކާއި ވެބްސައިޓްތައް ޒީނަތްތެރި ކޮށްފައިވަނީ އަންހެނެއްގެ އެޑިޓް ކޮށްފައިވާ ތަސްވީރާކުންނެވެ. އެއްވެސް ލަކުނެއްނެތް ހަންގަނޑާއި، ވިދާ ލޮލާއި، ރީތި އިސްތަށިގަނޑާއި، އަދި ޙަޤީޤަތާއި ޚިލާފު ހަށިގަނޑުގެ ސަބަބުން ބޭއިޚްތިޔާރުގައިވެސް އަންހެނެއްގެ ފުރިހަމަ ކަމާއި ރީތިކަމަކީ ބޭރުފުށުން ޕޮލިޝް ކުރެވިފައިވާ އެތަސްވީރުގަ ވާނަމޫނާ ކަމުގައި ޤަބޫލްކުރެވެއެވެ.

 

ނަމަވެސް ހަޤީޤީ އަންހެންނެއްގެ ރީތިކަމަކީ އެމީހާގެ ހިތްވަރެވެ.ދިރިއުޅުމުގައި ދިމާވާ އެތައް ވޭނެއްގެ ތެރެއިން ތެދުވެ ހިތްވަރާއި އެކު ހިނގައިގަންނަ އަންހެނާއަށް ވުރެ ވަކި ރީތިމީހެއްކޮބައިތޯއެވެ.

ދަތި އުނދަގޫ ކަމުގެ ދިރިއުޅުމުގެ މަގެއް ދަތުރުކޮށްފައިވާ ބާރުގަދަ އަންހެނަކު އަލަށް ހަޔާތުގެ ދަތުރު ފެށި މީހަކާ ދިމާއަށް އެހީގެ އަތް ދިއްކޮށްލުމަށްވުރެ ރީތި ކަމެއް ވޭތޯއެވެ. ދިރިއުޅުމުގެ ޒަހަމްތަކެއް ހުރި އަންހެނަކު އެ ޒަހަމްތައް އުފެދެމުންއަންނަ އަނިޔާތައް ލިބެމުންދާ އެހެން އަންހެންކަނބަލެއްގެ ބުރަކަށީ ފިރުމާލާފައި ހިތްވަރުދިނުމަށް ވުރެ ރީތި ކަމެއް ވޭތޯއެވެ.

 

ހިތްވަރުގަދަ އަންހެނެއްގެެ ވިސްނުމާއި އޯގާތެރިކަމުން އެހެން މީހުންގެ އުއްމީދު އުފައްދައެވެ.

ހިތްވަރަކީ އަޅުގަނޑުމެން އަންހެނުންގެ ހަގީގީ ރީތިކަން ކަމުގައި ވާއިރު ކޮންމެ މަޖައްލާއެއްގެ ކަވަރެއްގައި ވެސް ޝަރަފުވެރިކަމާއި އެކު ދައްކުވައިދޭންވީ އަންހެނުންގެ މިފަދަ ހަގީގީ ރީތިކަމެވެ. ވޭނާއި ތަދު އެތައް ގުނައެއް އުފުުމުގެ ޤާބިލިއްޔަތު މާތްﷲ ވަނީ އަންހެނުންނަށް ދެއްވާފައެވެ.އަންހެނުންނަކީ، އިންތިހާއަށް އުނދަގޫތަކާއި، ވޭން ނުވަތަ އަނިޔާ ތަހައްމަލުކުރިނަމަވެސް އެކަމާ އެކު ވީހާވެސް ރަނގަޅަކަށް އުޅެން ދަސްކޮށްފައިވާ ބައެކެވެ.

 

 

 

ދުނިޔެ އަންހެނުންނަށް ބުރަ އުފުލުމާއި ވޭން އުފުލަން ދަސްކޮށްދެއެވެ. ޝަކުވާ ކުރާނެ ކަމަށް ނުބެލެވޭ ނަމަވެސް މުޖުތަމަ ޢާއި ތާރީޚުން އޭނާގެ މަގަށް އުކާލާފައިވާ ވޭންތަކާއި، އަނިޔާތަކާއި، ދަށުދަރަޖައިގެ ކަންކަމާއި، އެހެނިހެން ހުރަސްތަކުގެ ތެރެއިން އަންހެނުން އައީ ވަރުގަދަ ވަމުންނެވެ. އިހުަޒަމާނެއްގައި އަންހެނުންނަކީ ގޭތެރޭ ޒިންމާ އެކަނި އުފުލަން ޖެހޭ ބައެއްކަމުގައި ޤަބޫލުކުރެވުނު ކުރުން މިހާރުވަނީ ފަސްލެވިފައެވެ. މިއަދު މުޖުތަމައުގައި އަންހެނުންގެ ހިއްސާ ވަރަށްބޮޑެވެ.

އަންހެނުންނަށް ނުކުރެވޭނެ ކަމަށް ބުނަމުންއައި އެތައްކަމެއްގެ އިސްސަފުގައި މިއަދު ތިބީ އިރެއްގައި ނިކަމެތި ބައެއްކަމުގައި ބުނެވުނު އަންހެނުންނެވެ.

 

 

އަންހެނެއްގެ ހަގީގީ ބާރަކީ އަޅުގަނޑުމެންގެ އަމިއްލަ ނަފްސާއި އަޅުގަނޑުމެންނަށް ފައިދާވާ ކަންތައްތައް ހޯދުމުގެ ދަތުރުގައި ކުރިއަށް ދިއުމެވެ. އަނަހެނުން ވަރުގަދަވަނީ އަންހެނުންނަށް މިހާރު އަމިއްލަ ނަފްސަށް އަޅާލުމުގެ އަގު އެނގޭތީއެވެ؛ އަންހެނުން ބޭނުންނަމަ ދުނިޔެ ފަތަޙަކުރެވޭނެއެވެ. އަންހެނުންގެ ބާރު އޮތީ އަންހެނުން ބޭނުންނުވާ ކަންކަމަށް ނޫނެކޭ ބުނުމާއި، އަޅުގަނޑުމެންގެ ސުލްހައަށް ނުރައްކާވެދާނެ ކަމަށް ބުނާ ފުރުސަތުތަކުން ދުރަށް ދިއުމާއި، އަދިވެސް ނަޒާހަތްތެރިކަމާއި، ނިޢުމަތާއި، ދަރަޖައިގައި ކާމިޔާބުވުމުންނެވެ.