ގްރައުންޑް ސްކިރެލްސް އާއި މޮންގޫސްއެއް ވެގެން ކޭޕް ކޮބްރާ އަކަށް ބިރުދައްކައިގެން އެމީހުންގެ ކުދިން ރައްކާތެރި ކުރުމަށް މަސައްކަތް ކުރިމަންޒަރު ފެނިއްޖެއެވެ.

މި އާދަޔާ ހިލާފު މަންޒަރު ފެނިފައިވަނީ ބޮޓްސްވާނާގެ ކްގަލަގަޑީ ޓްރާންސްފްރޮންޓިއާ ޕާކުގައި ހުންނަ ނޮސޮބް ކޭމްޕްސައިޓަކުންނެވެ.

މި މަންޒަރު ފެނުމާއި، ވީޑިއޯކުރުމުގެ ފުރުސަތު ލިބުމަކީ ލާރާ ޑި މަޓޯސް އަށް ލިބުނު ނަސީބެއްކަމަށް އޭނާ ސިފަކުރިއެވެ. އެނެޓް ސްމިޓް ވަނީ މި އަޖައިބު ކުރުވަނިވި ފޮޓޯތައް ނަގައި، އެ ވާހަކަ ލެޓެސްޓްސައިޓިންގްސް ޑޮޓްކޮމް އާއި ހިއްސާކޮށްފައެވެ.

"އަހަރެމެން ހެނދުނު ގޭމް ޑްރައިވަކަށް ފަހު ނޮސޮބް ކޭމްޕްސައިޓްގައި މެންދުރުގެ ކެއުން ކާންތިބީ، އަހަރެމެން ތިބީ ތަންކޮޅެއް މާޔޫސްވެފަ ހަގީގީ ފޯރިގަދަ މަންޒަރުތަކެއް ފެނިފައި ނުވާތީ. ސްވިމިން ޕޫލް އޭރިއާ ކައިރީގައި ހުރި ކޭމްޕްސައިޓްގައި އެ ހަރަކާތް އެންމެ ފުރަތަމަ ފެނުނީ އަހަރެންގެ ފިރިމީހާއަށް އަހަރެމެންނަށް ފެނުނީ... ކޭޕް ކޮބްރާ އާއި ގްރައުންޑް ސްކިރެލްސް އާއި ދެމެދު ކޮންމެވެސް ކަމެއް ވާން އުޅޭކަން އެނގުނީ! އަހަރެމެން ކެމެރާތައް ހިފައިގެން، ގާތުން ބަލާލަން ނިކުތީމެވެ." އެއަންހެންމީހާގެ އިންޓަރވިއުގައި ވަނީ ބުނެފައެވެ.

"އަހަރެމެން ކައިރިއަށް ދިޔައިރު ފެނުނީ ސްކުއިރަލްތައް އަޑީގައި ހުންނަ ވަޅުގަނޑުތަކާ ދުރުގައި ކޭޕް ކޮބްރާ ބެހެއްޓުމަށް މަސައްކަތް ކުރަމުން ދިޔަތަން، އެތަނުގައި ސްކުއިރަލްގެ ކުދިން އުޅޭތަން އެ މަރުހަލާގައި ގްރައުންޑް ސްކިރެލްސް މަޑުމަޑުން  އެއްފަރާތުން ބަލަން ތިބީ މޮންގޯސް ތައް ދިފާއުކޮށް ހަމަލާދޭން ވުގުތު ލިބޭތޯ ބަލަންށެވެ.

ކޭމްޕްގައި ތިބި ގާތްގަނޑަކަށް އެންމެން އެއްވެ އެމަންޒަރު ބަލަން ތިބިއިރު ވަރަށް ފޯރިގަދައެވެ. އެއީ ދިގު ހަފްތާ ބަންދެއްގެ ތެރޭގައި ހިނގި ކަމެއް ކަމަށާއި ކުޑަކުދިންނާއެކު ވަރަށް ގިނަ ބެލެނިވެރިން ތިބި ކަމަށްވެއެވެ. އެއްބައްޕައަކު ބުނީ މިއީ އެއްވެސް ސްކޫލެއްގައި އެއްވެސް ކުއްޖަކަށް ނުލިބޭނެ ތަޖުރިބާއެއް ކަމަށެވެ. އަދި ދަރިންނަށް އެކަން ތަޖުރިބާ ކުރެވިދާނެ ވަރުގެ އިމްތިޔާޒެއް ލިބުނު ކަމުގެ އިހުސާސް ކުރެވުނު ކަމެވެ. ޒުވާން ފިރިހެން ކުދިންގެ ތެރެއިން އެކަކު ބުނީ އެއީ މިހާތަނަށް ފެނުނު އެންމެ ރަނގަޅު މަންޒަރު ކަމަށާއި، އެއްވެސް މާރާމާރީއަކަށް ވުރެ ރަނގަޅު މަންޒަރު ކަމަށެވެ."

https://youtu.be/9UFHn7dTIJY