މުމްބާއީގެ ދަރަވީ ސްލަމް އަށް ނިސްބަތްވާ އުމުރުން 14 އަހަރުގެ އަންހެން ކުއްޖެއް ކަމަށްވާ މަލީޝާ ޚަރްވާ ވެފައިވަނީ ލަގްޒަރީ ބިއުޓީ ބްރޭންޑް ފޮރެސްޓް އެސެންޝިއަލްސްގެ އާ ކެމްޕޭން 'ދަ ޔުވަތީ ކަލެކްޝަން' ގެ މޫނަށެވެ.
މަލީޝާ ހޯދީ 2020 ވަނަ އަހަރު މުމްބާއީ އިން ހޮލީވުޑްގެ އެކްޓަރު ރޮބަޓް ހޮފްމަން ކަމަށާއި އޭނާ ފަހުން ވަނީ އެ އަންހެން ކުއްޖާއަށް ގޯ ފަންޑް މީ ޕޭޖެއް ގާއިމްކޮށްފަ އެވެ. މިއަދު އުމުރުން 14 އަހަރުގެ މިކުއްޖާގެ އިންސްޓަގްރާމްގައި 225،000 އަށް ވުރެ ގިނަ ފޮލޯވަރުން ތިބިއިރު، ގިނަ ފަހަރަށް އޭނާގެ ޕޯސްޓްތަކަށް #princessfromtheslum ހޭޝްޓެގް ބޭނުންކުރެއެވެ. ފާއިތުވި އަހަރުތަކުގައި ގިނަ މޮޑެލިން ޕްރޮޖެކްޓްތަކެއް ކޮށްފައިވާއިރު، "ލިވް ޔޯރ ފެއަރީޓޭލް" ގެ ނަމުގައި ނެރުނު ކުރު ފިލްމެއްގައި ވެސް އޭނާ ވަނީ ފެނިގެން ގޮސްފަ އެވެ.

https://www.youtube.com/watch?v=BM8hnbkzIOc

މިހާރު އޭނާ ވަނީ "ޒުވާން ސިކުނޑިތައް ބާރުވެރިކުރުވުމަށް" އަމާޒު ހިފާފައިވާ އިޖުތިމާއީ ހަރަކާތެއް ކަމަށްވާ ފޮރެސްޓް އެސެންޝިއަލްސްގެ އާ ކެމްޕޭން 'ޔޫވާތީ ސެލެކްޝަން' ގެ މޫނުގެ ގޮތުގައި ހަމަޖައްސާފައެވެ.

އޭޕްރީލް މަހު އެ ބްރޭންޑުން ވަނީ އިންސްޓަގްރާމްގައި  ވީޑިއޯއެއް ހިއްސާކޮށް، އެ ވީޑިއޯގައި މަލީޝާ އެމީހުންގެ ފިހާރައަށް ވަންނަ މަންޒަރު ފެންނައިރު އެ ވީޑިއޯގައި އޭނާގެ ކެމްޕޭން ފޮޓޯތައް ހުއްޓެވެ. "އޭނާގެ މޫނުމަތި އަލިވީ އުފަލުން، ކުރިމަތީގައި އޭނާ ދެކެމުންއައި ހުވަފެންތައް ފެންނަން ހުރުމުން މަލީޝާގެ ވާހަކައަކީ ހުވަފެންތައް ހަގީގަތުގައި ވެސް ހަގީގަތަކަށް ވާކަން ހަނދާންކޮށްދޭ ރީތި ވާހަކައެއް #BecauseYourDreamsMatter،" ފޮރެސްޓް އެސެންޝިއަލްސް އިން ކެޕްޝަންގައި ލިޔެފައިވެ އެވެ.

ވަރަށް އަވަހަށް މި ވީޑިއޯ އިންޓަނެޓް ވައިގައިހިފާ .  5 މިލިއަނަށް ވުރެ ގިނަ ވިއުސް އާއި 406،000 އަށް ވުރެ ގިނަ ލައިކްސް ލިބުނެވެ. އިންޓަނެޓް ބޭނުންކުރާ މީހުން ވަނީ މަލީޝާއަށް ތައުރީފުކޮށް، އެ އަޖައިބު ކުރުވަނިވި ކާމިޔާބީއަށް މަރުހަބާ ކިޔާފައެވެ.

"އޭނާ ކާމިޔާބީގެ ރަހަ ލިބޭތަން ބަލަން ހުރުމަކީ ވަރަށް އުފާވެރި ކަމެއް!!! މުސްތަގުބަލުގައި އޭނާއަށް ނިޢުމަތްތަކާއި އިތުރު ކާމިޔާބީތަކެއް ލިބޭނެ!" އެކަކު ލިޔެފައިވެއެެވެ.

އެހެން މީހާކު ކޮމެންޓް ކުރި ގޮތުގައި "ވާއު. ސޯ މަޗް ޕޮޒިޓިވިޓީ އިން ހިއާ. އެކުއްޖާގެ ހިނިތުންވުންވެސް ކިހާ ރީތި" އެވެ.

މީގެ އިތުރުން ވޯގް އިންޑިއާއަށް ދިން އިންޓަވިއުއެއްގައި ފޮރެސްޓް އެސެންޝިއަލްސްގެ ފައުންޑަރ އަދި ޗީފް މެނޭޖިން ޑިރެކްޓަރު މީރާ ކުލްކަރނީ ވިދާޅުވީ "އަހަރެމެންގެ ޔޫވާޓީ ކަލެކްޝަން މެދުވެރިކޮށް މަލީޝާގެ ހުވަފެންތަކަށް އެކަނި ތާއީދު ކުރުމެއް ނޫން ބޭނުމަކީ ، އޭގެއިތުރުން ޒުވާން ސިކުނޑިތައް ބާރުވެރި ކުރުމަށް ޕްރޮޖެކްޓް ޕަތުޝާލާއަށް ވެސް ކުރިއަށްގެންދަމުން އަންނަނީ" ކަމަށް ބުނެފައިވެއެވެ.

މި ކެމްޕެއިންގެ މޫނަކީ މަލީޝާ ކަމަށްވާއިރު، ފޮރެސްޓް އެސެންޝިއަލްސް އިން އެންމެ އިސްކަމެއ ދީގެން ކުރިއަށް ގެންނަނީ ހުވަފެންތަކުގެ ޚިޔާލެވެ. މިތަނުގައި އަންޑަކަރަންޓަކީ ކޮންމެ ތަނަކުން އައި ނަމަވެސް ހުވަފެނަކީ ކިތަންމެ ބޮޑު ހުވަފެނެއް ކަމުގައި ވިޔަސް ކުޑަ ހުވަފެނެއް ކަމުގައި ވިޔަސް ހުވަފެންތަކަކީ އެންމެންނަށް ވެސް މުހިންމު ހުވަފެންތަކެއް ކަމަށާއި ހުރިހާ ހުވަފެނެއް ވެސް މުހިންމު ކަމެވެ،"  އިތުރަށް ވިދާޅުވި އެވެ.

ވަކިން ހާއްސަކޮށް މަލީޝާ ބުނެފައިވަނީ ފޮރެސްޓް އެސެންޝިއަލްސްއާ އެކު ކުރިއަށް ގެންދާ ކެމްޕޭނަކީ އޭނާގެ "މިހާތަނަށް އެންމެ ބޮޑު މަސައްކަތް" ކަމަށެވެ. "އަހަރެން ބޭނުންވަނީ މޮޑެލްއަކަށް ވާން، އެކަމަކު އަހަންނަށް އަބަދުވެސް ފުރަތަމަ މުހިއްމު ވާނީ ތައުލީމު،"  އިތުރަށް ބުންޏެވެ.