ދިރިއުޅުމުގައި ޙަޤީޤީ ލޯބި ލިބެނީ މަދު ބަޔަކަށެވެ. އަދި މިއީ ހޯދަން އެހާ ފަސޭހަ އެއްޗެއްވެސް ނޫނެވެ. މީހަކާ ލޯބީގެ ގޮތުން ގުޅިގެން އުޅޭއިރު، ނުވަތަ ކައިވެނިކޮށްގެން އުޅޭ އިރުވެސް، އެއީ ހަމަ ޙަޤީޤީ ލޯބިތޯ ސުވާލު އުފެދެނީ މިހެންވެގެންނެވެ.

އެހެންކަމުން މިފަހަރު މި ކިޔައިދެނީ، ހަޤީޤީ ލޯބި ހާސިލްވުމުން ފެންނާނެ ކަންތައްތަކެވެ.

1. އެމީހެއް ދެކެ ލޯބިވަނީ އެއްވެސް ޝަރުތަކާނުލައި ކަމަށް ވަންޏާ އެއީ ހަޤީޤީ ލޯތްބޭ ބުނެވިދާނެ. އަދި ދިރިއުޅުމުގައި ދިމާވާ ދަތި އުނދަގޫ ދަނޑިވަޅުތަކާއި، އުފާވެރި ވަގުތުތަކުގައި ވެސް އޭނާއާ އެކު ހުންނަން ބޭނުންވާނެ.

2. އޭނާއާ އެއްވެސް ކަމެއް ހިއްސާކުރަން ޖެހިލުން ނުވުން. އަދި ތިމާގެ އުނިސިފަތައް އޭނާއަށް ފެނިދާނެތީ ވެސް ހާހެއް ނުވާނެ.

3. އޭނާގެ ހުރި އުނި ސިފަތަކާ އެކުވެސް އެ ލޯބި ޤަބޫލު ކުރުން. މާނައަކީ، އޭނާ އުޅޭ ގޮތަށް ފާޑުކިޔައި ނުވަތަ އޭނާ މުޅިން އެހެން މީހަކަށް ބަދަލުކުރަން މަސައްކަތެއް ނުކުރާނެ. 

4. ދެމީހުން ޤަބޫލުކުރާ އުސޫލުތަކެއް ހުރުން. މީގެ މާނައަކީ ހުރިހާ ކަމެއްގައި ދެމީހުންގެ ވިސްނުން އެއްގޮތް ވާނެއެކޭ ނޫން. އެކަމަކު، ދެބަސްވާ އިރުވެސް ގިރާ ކުރަން ނުޖެހޭ އޮޅިތަކެއް ވާނެކަން ޤަބޫލުކުރާނެ. 

5. ދެމީހުން ދެމީހުންނަށް އިހުތިރާމް ކުރުން. މީގެ ސަބަބުން، އަނެކާ ދެރަވާ ކަމެއް ކުރަން ނަފްސު އެއްބަހެއް ނުވާނެ. 

6. ތިބާގެ އުފާވެރިކަން ގުޅިފައިވަނީ އޭނާގެ އުފާވެރިކަމާ. އެގޮތުން ލިބޭ ކޮންމެ ފުރުސަތެއްގައި އޭނާ އުފާކޮށްދީ ހިތްހަމަޖައްސައިދޭން ބޭނުންވާނެ.

7. ދެމީހުން ޓީމެއްގެ ގޮތުގައި ދިރިއުޅުން އާރާސްތުކުރަން މަސައްކަތްކުރުން. އަދި ހަމައެކަނި ތިމާގެ އަމިއްލަ ކަންކަމާމެދު ނުވިސްނައި، ދެމީހުންގެ މުސްތަޤުބަލާ ދޭތެރޭ ވިސްނުން.