ބޭނުންވާ ތަކެތި:

1 ޕެކެޓް ޝްރިމްޕް 
8 ލޮނުމެދު (ގާނާފައި)
2 މޭަޒުމަތީ ސަމުސާ އޮލިވް އޮއިލް
1 ލިނބޯ ޖޫސް
1 ސައިސަމުސާ ހިކިމިރުސް (ރާޅުކޮށް މުގުރާފައި)
1 ސައިސަމުސާ މުގުރި އަސޭމިރުސް
2 މޭޒުމަތީ ސަމުސާ ޕާރސްލީ (ކޮށާފައި)
1/2 ސައިސަމުސާ ލިބޯތޮށި (ގާނާފައި)
2 މޭޒުމަތީ ސަމުސާ ބަޓަރު ( އަންސޯލްޓެޑް)
ލޮނު

 

ތައްޔާރުކުރާނެ ގޮތް:

އެންމެ ފުރަތަމަ ތަވަޔަށް އޮލިވް އޮއިލް އާއި ބަޓަރު އަޅާފައި ހޫނު ކޮށްލަން ބަހައްޓާށެވެ. ދެން ޝްރިމްޕް އާއި ލޮނު އެއްކޮށްލުމަށްފަހު ތެޔޮކޮޅުގައި ޝްރިމްޕްތައް ދެފުށް ދެ ފުށަށް ޖަހަމުން ރޯ ފިލުވާލާށެވެ. ރަނގަޅަށް ރޯ ފިލުމުން ޝްރިމްްޕްތައް ތަވައިން ނަގާފައި ބަހައްޓާށެވެ. އެއަށްފަހު، ތަވައަށް އަނެއްކާވެސް ބަޓަރު އެޅުމަށްފަހު ލޮނުމެދުތައް ރަތް ކޮށްލާށެވެ. ދެން، މުގުރިހިކިމިރުސް އަދި އަސޭމިރުސް އަޅާފައި އެއްކޮށްލުމަށްފަހު ޝްރިމްޕްތައް އެއަށް އަޅައިގެން ކުޑައިރުކޮޅަކު ކައްކާލާށެވެ. ދެން، ލިނބޯހުތް، ޕާރސްލީ އަދި ލިނބަޯތޮށި އަޅާފައި ތިން މިނެޓު ވަންދެން ކައްކާލީމަ ލެމަން ގާރލިކް ޝްރިމްޕް ތައްޔާރުވީއެވެ.

 

* ސީފުޑްގެ ބާވަތްތަކަށް ލޯބިކުރާ ފަރާތްތަކަށް މީ ވަރަށް ކަމުދާނެ ރެސިޕީއެކެވެ.