ގިނަ ބަޔަކު އިންތިޒާރު ކުރި ހަފްލާ ފެށިއްޖެއެވެ. އެޕަލްގެ އުފެއްދުންތައް އާންމުންނަށް ދެއްކުން ފެށިގެން ކުރިއަށް އެބަ ދެއެވެ.

އެޕަލްގެ ފަރާތުން ނެރޭ އެޕަލްގެ ވޮޗް ސީރީސް 6 އާންމުންނާއި ހަމައަށް އަންނަ އިރު އޭގައި ހިމެނޭ އެންމެ މުހިންމު ސިފައަކީ މި ގަޑީގެ އެހީގައި ލޭގައި އޮކްސިޖަން ހިމެނޭ މިންވަރު ދެނެގަނެވޭކަމެވެ.

އެޕަލް ވޮޗް އެސް 6

މި އިވެންޓްގައި އެޕަލް އިން ވަނީ ކާބަން ނިއުޓްރަލް ކުރުމާއި ބެހޭގޮތުންވެސް ވާހަކަ ދައްކާފައެވެ. މިހާރުވެސް އެޕަލް އިން ވަނީ 35 އިންސައްތަ ކާބަން މަދުކޮށްފައެވެ. އަދި 2030 ވަނަ އަހަރާއި ހަމައަށް 100 އިންސައްތަ ކާބަން ނިއުޓްރަލް ކުރާނެ ކަމަށް ވެސް މި ހަފްލާގައި ހާމަކުރިއެވެ.

މިގަޑީގައި އެއްވެސް ބަކަލް އެއް ނުހުންނާނެއެވެ. ސިލިކަން އިން ހެދިފައިވާ މި ގަޑިއަކީ ދެމޭގޮތަށް ހުންނަ ގަޑިއެއް ކަމުން އަޅާލަން ވަރަށް ފަސޭހަ ވާނެއެވެ. އަދި އަތުކުރިއަށް ވަރަށް ފަސޭހައިން ހެޔޮވަރު ވާނެއެވެ. އެޕަލް އިން އަންނަނީ ސިއްޙީ ނެޓްވޯކްތަކާއި އެކުގައި ދިރާސާކޮށް އެޕަލްގެ ގަޑިތަކުގައި ހިތުގެ ސިއްޙަތު ދެނެގަނެވޭ ޚާއްސަ ސިފައެއް ހިމެނުމަށްފަހު މަސައްކަތް ކޮށް އޭގެ ތެރެއަށް ކޮވިޑްގެ ދިރާސާތައް ވެސް އެއް ކުރާށެވެ.

މިގަޑި އައިފޯނަކާ ނުލާ ވަކިން ވެސް ބޭނުން ކުރެވޭނެއެވެ. ނަމަވެސް އެހެން ގަޑިއަކާ ޕެއަރ ކޮށްލަންވެއްޖެނަމަ އެކަން ކުރެވޭނީ އައިފޯނެއްގެ އެހީގައެވެ.

މިރޭ މި ދައްކާލާ ހުރިހާ އުފެއްދުންބޭނުން ކުރެވޭނެ ރީޖަންވެސް މިރޭ ވަނީ އިޢުލާން ކޮށްފައެވެ. އޭގެ ތެރޭގައި ހިމެނެނީ ޗައިނާ (މެއިން ލޭންޑް) ފްރާންސް، ޖަރމަނީ، ހޮންގް ކޮންގް، ޖަޕާން، ޕޮލެންޑް، ސްޕެއިން، ސްވިޓްލަރލެންޑް، ތައިވާން އަދި އިނގިރޭސިވިލާތުގެ އިތުރުން އެމެރިކާއެވެ.

މިރޭ ދައްކާލި އުފެއްދުންތަކުގެ ތެރެއިން އެޕަލް އެސް-6 ގެ އަގަކީ 399 އެމެރިކާ ޑޮލަރެވެ. ސީރީސް 3 ގެ ގަޑި މިހާރުވެސް 199 ޑޮލަރަށް ލިބެން ހުންނާނެއެވެ.

އެޕަލް ވޮޗްގައި ބޭނުން ކުރެވޭނެ ފިޓްނަސް ޕްލަސްވެސް މިރޭގެ ހަފްލާގައި ތައާރަފް ކުރިއެވެ. އެޕަލް ފިޓްނަސް ޕްލަސް އިން މަހަކު 9.99 އެމެރިކާ ޑޮލަރު ނުވަތަ އަހަރަކު 79.99 ޑޮލަރު ދެއްކުމުން ގިނަ ޚިދުމަތްތަކެއް ލިބޭނެ. އަލަށް އެޕަލް ވޮޗް ގަންނަ މީހުންނަށް ތިން މަސް ދުވަސް ވަންދެން ހިލޭ ފިޓްނަސް ޕްލަސްގެ ޚިދުމަތް ބޭނުން ކުރެވޭނެއެވެ.

މިރޭގެ އިވެންޓްގައި އެޕަލް ގަޑިއާއި އެންމެފަހުގެ އައިޕެޑްގެ އިތުރުން އައިޕެޑް އެއަރ ދައްކާލުމަށްފަހު ހަފްލާ ނިންމާލީ ކުރިންވެސް އެނގިފައިވާ ގޮތަށް އައިފޯން 12 ދައްކާ ނުލައެވެ.

އައިޕެޑް އެއަރ އެއްގެ އަގު އުޅެނީ 599 ޑޮލަރަށެވެ. އަދި އައިޕެޑް އަގަކީ 329 ޑޮލަރަށެވެ.