ފްރިޖް ހުޅުވާލާ ވަގުތު ފްރިޖުން ބޭކާރު ވަސް ދުވުން މިއީ ކޮންމެ މީހަކުވެސް ފޫހިވާނެ ކަމެކެވެ. ބައެއް ފަހަރު ހަނދާން ނެތިގެން ނުވަތަ ފަރުވާ ކުޑާކަމުން ނޫންނަމަ ވަގުތު ނުވެގެން ފިރިޖުގައި ގިނަދުވަސްވެ ހަލާކުވެފައި ހުންނަ ކާބޯތަކެތި ބެހެއްޓެއެވެ. މިހެން ބެހެއްޓޭ އެއްޗެހީގެ ވަސްތައް ފްރިޖްގައި ހަރުލައެވެެ. ތާޒާ ސާފު ފްރިޖެއް ކޮންމެ މީހަކުވެސް ބޭނުންވާނެއެވެ. މިއީ ފްރިޖް ތާޒާކޮށް ސާފުކޮށް ބެހެއްޓުމަށް ކުރެވިދާނެ ފަސް ކަމެކެވެ.

 

1. ފްރިޖް ހުސްކޮށްފަ އެތެރެ ފޮހެ ސާފުކުރުން

ފުރަތަމަ ފިޔަވަޅަކީ އަބަދުވެސް ފްރިޖް ސާފުކުރުން؛ ހުރިހާ އެއްޗެއް ނަގައި ފްރިޖްގެ އެތެރެއާއި ބޭރު އެއްކޮށް ފުހެލާށެވެ. މި ކަމަށް ވަގުތުކޮޅެއް ނަގާނެ ކަމުން ފިނިހޫނުމިނަށް ނާޒުކު ތަކެތި ވަގުތީ ގޮތުން ފިނި ތަނެއްގައި ބަހައްޓައިގެން ހަލާކު ނުވާނެ އެވެ. ތާފަނާ ފެނުގައި އޮކްސީ ޕޮޑެއް ގިރާލުމަށްފަހު، ދޮންނަ ފޮތިގަނޑެއް ބޭނުންކޮށްގެން ފްރިޖުގެ އެތެރެއާއި ބޭރު ވެސް ސޮލިއުޝަނުން ފޮހެލާށެވެ- ފޮހޭއިރު ފްރިޖުގެ އަތްގަނޑުތައް ހަނދާން ނައްތާނުލާށެވެ!

 

 

 

 

ޑިއޯޑަރައިޒް ކޮށްލާށެވެ

 

ފްރިޖުތެރޭގައި ހުންނަ ނުބައި، ދިގުދެމިގެންދާ ވަސްތަކުން ސަލާމަތްވުމަށްޓަކައި ގުދުރަތީ ޑިއޯޑަރައިޒާއެއް ބޭނުން ކުރާށެވެ!ެޑިއޯޑަރައިޒް ކުރން ބޭކިން ސޯޑާ ނުވަތަ ހުދު ވިނެގަރ ބޭނުން ކުރެވިދާނެއެވެ. މިއިން ކޮންމެސް އެއްބާވަތެއް މަތިނުޖަހާ ތައްޓަކަށް އަޅާފައި ފްރިޖް ތެރޭގައި މަދުވެގެން 24 ގަޑިއިރު ބަހައްޓާށެވެ. ހަގީގަތުގައި ފިހާރައިން ގަންނަ ކެމިކަލް ކްލީނަރ އަށް ވުރެ ވަސް ނައްތާލުމުގައި ރަނގަޅު މަސައްކަތްތަކެއް ކުރަނީ ބޭކިން ސޮޑާ އަދި ވިނެގަރއެވެ. މީގެން ހަމައެކަނި ވަސް ނައްތާލުމުގެ އިތުރުން ވަސް ދުވަން މެދުވެރިކުރާ ބެކްޓީރިއާ ނައްތާލަ އެވެ.

 

3. ޓެމްޕަރޭޗަރ + ހިއުމިޑިޓީ އަށް ސަމާލުކަން ދިނުން

 

ފްރިޖުގައި ހުންނަ ކާނާ ހަލާކުވުމުގެ އެންމެ ބޮޑު އެއް ސަބަބަކީ ހަގީގަތުގައި ފިނިމިން ގޯސްވުމެވެ. ގްރީން ލިވިން އައިޑިއާސް އިން ބުނާ ގޮތުގައި އަވަހަށް ހަލާކުވާ ކާނާ ފިނިމިން މަތިކޮށް ހުންނަ ބައެއްގައި ބަހައްޓައި އަދި ލަހުން ހަލާކުވާ ކާނާ ފިނިމިން މަޑު ބައެއްގައި ބެހެއްޓުމެވެ. މީގެ އިތުރުން ފްރިޖަށް އެންމެ ރަނގަޅު ފިނިމިނަކީ 37 އާއި 40 ޑިގްރީ ފަރެންހައިޓް (4-5 ޑިގްރީ ސެލްސިއަސް) އާއި ދެމެދުގެ ފިނިމިނެކެވެ.

 

4. ބާކީ ހުންނަ ކާބޯތަކެތި ތަކެތި ރަނގަޅަށް ބަންދުކޮށްފައި ބެހެއްޓުން

ބާކީ ހުންނަ ކާބޯތަކެތި ބާރުކޮށް މަތިޖެހޭ ތައްޓެއްގައި ރަނގަޅު ރަނގަޅަށް ބަންދުކޮށްފައި ފްރިޖަށް ލާށެވެ! ސްޓައިރޯފޯމް އަދި ކާޑުބޯޑް ޓޭކްއައުޓް ކޮންޓެއިނަރުތަކުގައި ފްރިޖްތެރޭ އެއްޗެހި ބަހައްޓާނަމަ ފްރިޖުން ވަސް ދުވާނެ އެވެ. އޭގެ ބަދަލުގައި ޓޭކްއައުޓް ފޮށިތައް ރީސައިކަލް ބިނަށް އުކާލާފައި، ބާކީ ހުރި ހުރިހާ އެއްޗެއް ވައި ނުވަންނަ ކޮތަޅު ނުވަތަ ކޮންޓެއިނަރުތަކުގައި ބަހައްޓައިގެން އެބާވަތެއް ނިސްބަތްވާ ތަނުގައި ބެހެއްޓުމުގެ އާދަ ފަށާށެވެ. ޕްލަސް، މިއީ ފްރިޖް ތަރުތީބުކޮށް ބެހެއްޓުަމަށް އެހާ ފަސޭހަކޮށްދޭ ކަމެކެވެ!

 

5. ފްރިޖުގައި ތާޒާ ވަހެއް ބެލެހެއްޓުން

ހަގީގަތުގައި ދިގުދެމިގެންދާ ވަސްތައް ނައްތާލާ، މީރުވަހެއް ފްރިޖުގައި އެކުލަވާލާ ވަސް ތާޒާކޮށް ބެހެއްޓުން މުހިއްމު! އޮރެންޖް ނުވަތަ ލިބޯ ފަދަ ކަމުދާ ސިޓްރަސް މޭވާގެ ތޮށި މޭޒުމަތީ ސަމުސާ ލޮނުކޮޅަކާއެކު ކުޑަ ތައްޓާކަށް އަޅާފައި ފްރިޖްގެ ޝެލްފެއްގައި ބަހައްޓާށެވެ؛ ލޮނުން ފްރްޖެ ބޭކާރު ވަސްތައް އެބްސޯބް ކުރާއިރު ސިޓްރަސް އިން ވައިގެ ތެރެ ތާޒާ، މީރު ވަހެއް ގެނެސްދެއެވެ! ނޫންނަމަ ބޭނުންވަނީ މަލުގެ ފްލޯރަލް ވަހެއްހެއްޔެވެ؟ މައްސަލައެއް ނެތް! ގާޑެނިސްޓާގެ ބްލޮގަރު އެރިން ބުނަނީ ފްރިޖުގެ ވަސް ތާޒާކޮށް ބެހެއްޓުމަށްޓަކައި ބެކިން ސޯޑާއަށް ހިކި ލެވަންޑަރ މާ ނުވަތަ ލެވަންޑަރ އެސެންޝިއަލް އޮއިލްގެ ދެތިންތިކި އަޅާފައި ބެހެއްޓިދާނެ ކަމަށެވެ.