ޖަރުމަނުގެ ސެންކެންބަރގް ނެޗުރަލް ހިސްޓްރީ މިއުޒިއަމްގެ ފްރެންކްފަރޓްގެ އެންޓްރީވޭގައި ދުރު މާޒީގެ ފާހަގަކޮށްލެވޭ ސަފީރެއް ގޮތުގައި ފާހަގަކޮށްފައިވަނީ މީގެ 130 މިލިއަން އަހަރު ކުރިން މަރުވި ޕްސިޓަކޯސޯރަސް ކިޔާ ކުއްތާއަކާއެއްސައިޒުގެ ޑައިނަސޯއެކެވެ. މި ޑައެނަސޯއަކީ ވަރަށް ރަނގަޅަށް ރައްކާތެރިކޮށްފައިވާ ހަނގަނޑެއް ކަމުން، ސައިންސްވެރިންނަށް އޭގެ ހަމުގެ އެންމެ ފުރިހަމަ ތަފްސީލުތައް ފެނިގެންދިޔައެވެ.

 ޑައިނަސޯގެ ހަމުގެ ފޮސިލްތަކަކީ އަޑުއިވިފައި ނުވާ އެއްޗެއް ނޫނެވެ. މިސާލަކަށް އުތުރު އެމެރިކާގެ ހެޑްރޯސޯރ “މޮމީސް” އިން ޑައިނަސޯގެ ސްކޭލްސް ރައްކާކޮށްފައިހުއްޓާ ފެނުނެވެ.އެކަމަކު މި ޕްސިޓަކޯސޯރަސް އަކީ ފަހަރެއްގައި އެންމެ ގިނައިން ހަންގަނޑެއް ރައްކާތެރިކޮށްފައިވާކަމަށް ބެލެވޭ އެއް ނޮން އެވިއަން ޑައިނަސޯއެވެ. އަދި އޭގެ މެލަނިން ޕިގްމެންޓޭޝަންގެ ރެސްޓިޖްތައް ވެސް އެކުލެވިގެންވެ އެވެ. "މިއީ ހަމަ ޚަޒާނާއެއް،" ޑައިނަސޯ ގާތުން ދިރާސާކޮށްފައިވާ ޔޫކޭގެ ޔުނިވާސިޓީ އޮފް ބްރިސްޓަލްގެ ޕެލިއޮންޓޮލޮޖިސްޓެއް ކަމަށްވާ ޖެކްބް ވިންތަރ ބުންޏެވެ.

2021 ވަނަ އަހަރު ވިންތަރ އިސްކޮށް ހުންނަވައިގެން އުފެއްދި ޓީމަކުން ހޯދި ހޯދުންތަކުން ދައްކާ ގޮތުގައި މި ޕްސިޓަކޯސޯރަސް އަކީ ކުޑަކަމުދާ ، ބޮޑުކަމުދާ އަދި ޖިންސީ ހުރިހާ ބޭނުމަކަށް ބޭނުންކުރެވޭ އޯރިފިސްއެއް ކަމަށްވާ ކްލޯކާ އެއް ރައްކާތެރިކޮށްފައިވާ ނޮން އެވިއަން ޑައިނަސޯ އެކެވެ. މިދިޔަ އަހަރު ޑައިނަސޯގެ ސްކޭލްސްގެ ޑީޕް ޑައިވް ދިރާސާއެއް ކުރި ދިރާސާވެރިން ވަނީ އޭގެ “ބެލީ ބަޓަން”ނުވަތަ ފޫޅު ފެނިފައިވާކަން އިއުލާންކޮށްފަ އެވެ. އެހެންކަމުން މިއީ ސައިސްވެރިންނަށް މިމައުލޫއިން ގިނަ ހޯދުންތަކަކާއި ކުރިއެރުންތަކެއް ލިބިގެންދާނެ ކަމެއް ކަމަށް ބެލެވެއެވެ.