ޓިކްޓޮކްގެ ސިކްސް ޕެކް ޝެފްގެ ނަމުން މަޝްހޫރު ޝެފް އަދި ބޮޑީބިލްޑަރެއް ކަމަށްވާ ވޮލެސް ވޮންގް އޭނާގެ ޗޮޕް ކުރުމުގެ ހުނަރު ދައްކާލީ  ގިނިސް ވޯލްޑް ރެކޯޑްސްގެ އިޓަލީ ޓީވީ ސީރީޒް ލޯ ޝޯ ޑެއި ރެކޯޑްގެ އެޕިސޯޑަކުންނެވެ.

ވޮންގް ލޯމަރާލައިގެން 30 ސިކުންތުގެ ތެރޭގައި ދެބައިކުޅަ އެއްބައި ކިއުކަމްބާގެ ބައެއް ދިގު ސްޓްރިޕްތައް 166 ތުނި ސްލައިސްއަކަށް ކޮށާލިއެވެ.

މީގެ ކުރިން ފްރިޖް ވޯސް، ޓޮޕް ޝެފް ކެނެޑާ އަދި ޗޮޕްޑް ކެނެޑާ ފަދަ ޓީވީ ޝޯތަކުން ފެނިގެން ގޮސްފައިވާ ވޮންގް ބުނީ އުމުރުން 17 އަހަރުގައި ކެންސަރުގެ ބަލިމަޑުކަމުން ސަލާމަތްވުމުން ފަލަކަމުން އަރައިގަނެ ބޮޑީބިލްޑިން އަދި ކެއްކުމުގެ ކެރިއަރަށް ލަނޑުދަނޑިތައް ކަނޑައެޅުމަށް ބާރުއެޅި ކަމަށެވެ.

"އަހަރެން އަބަދުވެސް ބުނަނީ ކެންސަރަކީ އަހަރެންނަށް ދިމާވި އެންމެ ރަނގަޅު ކަމެއް ކަމަށް،" ގިނިސް ވޯލްޑް ރެކޯޑްސް އަށް ދިން އިންޓަވިއުއެއްގައި ވޮންގް ބުންޏެވެ. "މާދަމާއެއް ނުލިބޭނެ ކަމުގެ ޚިޔާލާއި އިހުސާސް ތަޖުރިބާ ކުރެވުމުން މުޅި ވިސްނުން ބަދަލުވެގެން ދާނެ."ވޮންގު ބުންޏެވެ.