ބޮލުގެ އިސްތަށިގަނޑު ދިގުވާލެއް ލަސްވެގެން ވަރށް ގިނަ މީހުން އެ ވާހަ ދައްކައެވެ. ސުވާލަކީ އިސްތށިގަނޑު ދިގުވާ ނޯމަލް ރޭޓަކީ ކޮބައިތޯއެވެ. އެވްރެޖް ގޮތެއްގައި މަހަކު ½ އިންޗި (އަހަރަކު 6 އިންޗި) ދިގުވުމަކީ އެއީ ނޯމަލް ހެއަރ ގްރޯތް ރޭޓެވެ. މިއަށްވުރެ ލަސްކަމަށް ފާހަގަވާނަމަ މި ހިމަނާލާ ހެއަރ މާސްކް ޓްރައިކޮށްލައްވާށެވެ.

ބޭނުންވާތަކެތި: ފޮނިތޮށި އަދި ކާށިތެޔޮ

މުގުރާފައިވާ ފޮނިތޮއްޓާއި ކާށިތެޔޮ (އިސްތށިގަނޑުގެ ދިގު/ބޯ މިނަށް ބަލާފަ) ދެބައި އެއްވަރަކަށް (މިސާލަކަށް ½ ޖޯޑު ފޮނިތޮށި އަދި ½ ޖޯޑު ކާށިތެޔޮ) ރަނގަޅަށް ޕޭސްޓަކަށް ވަންދެން މިކްސްކޮށްލާށެވެ. ދެން މި ޕޭސްޓް އިސްތަށިތަކުގެ ބުޑުގައި ޖެހޭނެހެން ރަނގަޅަށް ހާކާލުމަށްފަހު މަސާޖުކޮށްލާށެވެ. 45 މިނިޓު ވަންދެން މިހެން ބެހެއްޓުމަށްފަހު ދެން ރަނގަޅަށް ޝޭމްޕޫލައިގެން ދޮވެ ކޮންޑިޝަން ކުރާށެވެ. ބޮލުގެ ހަނގަނޑުގައި ކޮންޑިޝަނަރ ނުޖައްސާށެވެ. މަދުވެގެން ހަފްތާއަކު އެއްފަހަރު މި މާސްކް ބޭނުންކުރަންވާނެއެވެ.

އެންޓި މައިކްރޯބިއަލް ޕްރޮޕަރޓީތަކެއް އެކުލެވޭ ފޮނިތޮށީގެ ސަބަބުން ބޮލުގެ ހަނގަނޑުގައި (އިސްތަށިތަކުގެ ބުޑުގައި) ލޭ ދައުރުވުން ރަނގަޅުކޮށްދީ އިސްތަށިގަނޑު ހެދި ބޮޑުވުމާއި، އިސްތަށިގަނޑުގެ ވަރުގަދަކަން އިތުރުކޮށްދޭނެއެވެ. ކާށިތެލަކީވެސް މިކަންކަމުގެ އިތުރުން އަދި އިސްތަށިގަނޑުގެ އޮފުކަމާ މަޑުކަން ދަމަހައްޓައިދޭންވެސް އެހީތެރިވާނެ އެއްޗެކެވެ.