ފެންވެރުމަކީ ކޮންމެ މީހަކުވެސް ކޮންމެ ދުވަހަކު ކުރާ ކަމެކެވެ. އެވަގުތަކީ  ހަށިގަނޑު ސާފުކޮށް ސިކުނޑި ތާޒާކޮށްދޭ ވަގުތެކެވެ. ނަމަވެސް ސައިބޯނި އާއި ޝޭމްޕޫ ލައިގެން ފެންވަރާލާއިރު ގިނަ ބަޔަކު ފަރުވާކުޑަކުރަނީ މުހިންމު ފިޔަވަޅެއް ކަމަށްވާ ގައިއުގުޅުމަށެވެ. ހަމައެކަނި ހަމުގެ މަތީފަށަލަ ސާފުކުރުމުގެ އިތުރުން ގައި އުނގުޅުމަކީ ދުޅަހެޔޮ، އޮމާން ހަންގަނޑެއް ދެމެހެއްޓުމުގައި ވަރަށް މުހިންމު ދައުރެއް އަދާކުރާ ކަމެކެވެ. ގައު އުނގުޅުމުގެ  މުހިންމުކަމާއި އެއީ ޝަވަރ ރޫޓިންގެ މުހިންމު ބައެއްގެ ގޮތުގައި ވާންވީ ސަބަބުތަކެއް ނެތިއެއް ނޫނެވެ.

ގައި އުގުޅުމުން ލިބޭ މުހިންމު އެއްފައިދާއަކީ އެކްސްފޯލިއޭޝަން އެވެ. އަހަރެމެންގެ ހަންގަނޑުގައި މެދުނުކެނޑި މަރުވެފައިވާ ހަމުގެ ސެލްތައް އުފައްދާއިރު، އެ ސެލްތައް ޖަމާވެ، ހަމުގައި ފަނޑު، ފަނޑު ކުލައެއް އުފެދެއެވެ. ބޮޑީ ސްކްރަބެއް ބޭނުންކޮށްގެން މި މަރުވެފައިވާ ސެލްތައް އުނގުޅާ، އޭގެ ދަށުގައިވާ ތާޒާ، އާ ހަންގަނޑު ހާމަވެގެންދެއެވެ. މިއީ ހަމައެކަނި ހަމުގެ ސިފަ ރަނގަޅުކޮށްދޭ ކަމެއް ނޫނެވެ. ހަންގަނޑަށް ފަރުވާދޭ އެހެން އުފެއްދުންތައް މާ ފައިދާހުރި ގޮތެއްގައި ހަމުގެތެރެއަށްވަދެ، އެތަކެތީގެ ފައިދާ އެންމެ ފުރިހަމައަށް ލިބިގެންދާ ކަމެކެވެ.

ގައި އުގުޅުމުން ލޭ ދައުރުވުމަށް ބާރުއަޅާއިރު، މިއީ ހަމުގެ ޖުމްލަ ސިއްހަތަށް ކޮންމެހެން ބޭނުންތެރި ކަމެކެވެ. ލޭގެ ދައުރުވުން އިތުރުވުމުން ހަމުގެ ސެލްތަކަށް އޮކްސިޖަން އާއި ނިއުޓްރިއެންޓްސް ފޯރުކޮށްދީ، ސެލްތައް އަލުން އުފެއްދުމާއި މަރާމާތު ކުރުމަށް މަގުފަހިކޮށްދެއެވެ. އަދި ލޭދައުރުވުން ރަނގަޅުވުމަކީ ވިހަ މާއްދާތައް ނައްތާލުމަށް އެހީތެރިވެދޭ ކަމަކަށް ވާއިރު، ހަންގަނޑު އުޖާލާކޮށް އޮމާންވާގޮތްވެއެވެ.

އިސްތަށިބޭލުމުން އިސްތަށީގެ ބުޑުގެ އެކި މައްސަލަތައް ދިމާވުމަކީ އާންމު މައްސަލައެކެވެ. ގަވާއިދުން ގައި އުނގުޅުމަކީ އިސްތަށިބުޑު ތެރޭގައި ހެދިފައިވާ އިސްތަށި ހުއްޓުވުމަށް އެހީތެރިވެދޭ ކަމެކެވެ. މިއީ ހަމުގެ ފަށަލައިގެ ދަށުގައި ތާށިނުވެ އިސްތަށި މިނިވަންކަމާއެކު އުފެދުމުގެ ފުރުސަތު ލިބި، އޭގެ ތެރޭގައި އިސްތަށިގަނޑު އުފެދުމާއި އެއާ ގުޅުން ހުރި  ރިހުން ކުޑަކޮށްދޭ ކަމެކެވެ.

އޮމާން، މަޑު ހަންގަނޑެއް ބޭނުން ނުވާނީ ކާކު ހެއްޔެވެ؟ ގައި އުނގުޅުމުން ހަމުގައި ހުންނަ ، ހިކި ތަންތަން ފިލުވައިދިނުމުގެ އިތުރުން ޖުމްލަކޮށް ސާފު، އޮޮޮމާން ހަނގަނޑެއް އުފައްދައެވެ. ހަމުގެ މަރުވެފައިވާ ސެލްތައް ނައްތާލާ، ސެލް ޓާންއޯވަރ ޕްރޮމޯޓްކޮށް، ގައި އުގުޅުމުން ހަމުގައި އަތްލުމުން އޮމާންކަމުގެ އިހުސާސެއް ކުރެވޭ އޮމާން ހަންގަނޑެއް ހާމަކޮށްދެ އެވެ.

ޖިސްމާނީ ފައިދާތަކުގެ އިތުރުން ގައިއުގުޅުމަކީ ނަފްސާނީ ތަޖުރިބާއަކަށް ވެދާނެ އެވެ. ހަންގަނޑަށް އުނގުޅުމަށް މަސާޖްކުރުމުގެ އަމަލަކީ ޓެންޝަންވެފައިވާ މަސްތައް ރިލެކްސްކޮށް ސްޓްރެސް ކުޑަކޮށްދޭ އަމަލެކެވެ. ލެވަންޑަރ ނުވަތަ ޔޫކަލިޕްޓަސް ފަދަ އިންސާނާ ހަމަޖައްސާލަދޭ ވަސްތަކާއެކު ތައްޔާރުކޮށްފައިވާ ސްކްރަބެއް ބޭނުންކޮށްގެން އެރޯމާތެރަޕީ އިން ސިކުނޑި ހަމަޖައްސާލެވިދާނެއެވެ.