އާންމު ގޮތެއްގައި އަލުގަނޑުމެނަށް ފެނިފައިވަނީ ތުންފަތާއި ލޮލުގެ މަތީގައި ތަފާތު ކުލަ ކުލައިން މޭކަޕް ކޮށް ޒީނަތްތެރިވާ މަންޒަރެވެ. ނަމަވެސް 2021 ވަނައަހަރު ކުރިއަރަމުން މިއަންނަނީ މުޅިން އާދަޔާ ހިލާފް މޭކަޕް ޓްރެންޑެކެވެ. ކޯވިޑް-19 ގެ ބަލިމަޑުކަމުގެ ތެރެއިން މާސްކު އަޅައިގެން އުޅެންޖެހުމާއި އެކު ތުންފަތުގައި ޖައްސަމުން އައި ކުލަތަކުގެ ބޭނުން ކެނޑި މޭކަޕް އާޓިސްޓެއް މިވަނީ ތަފާތު ކުރެހުމާއި ގަހަނާ ބޭނުންކޮށްގެން ކަންފަތުގެ މޭކަޕް ކުރަން ފަށާފައެވެ. ކަންފަތުގައި ތަފާތު ޑިޒައިންތައް މީގެ ކުރިންވެސް މަދުން ކޮށްއުޅުނު ނަމަވެސް މިޓްރެންޑް މިހާރު އާންމު ވަމުންމިއަންނަނީ ޕެންޑަމިކްއާޢި ގުޅިގެން ކަމަށް ލަފާކުރެވެއެވެ.

ކަންފަތުގެ މޭކަޕް ތަފާތު ޑިޒައިންތަކަށް ކުރަން ފަށާފައިވަނީ މޭކަޕް އާޓިސްޓް މާރތާ ބަޓަރވޯރތްއެވެ. މަލާއި އެކި ގަހަނާ އަދި ކުލަ ބޭނުންކޮށްގެން ކަންފަތުން އެކި ކަހަލަ މަންޒަރު ތައް ދައްކުވައިދޭ ކުރެހުންތައް އޭނާ ވަނީ ހަދާފައެވެ.

ޓިކްޓޮކް އަދި އިންސްޓަރގްރާމްގައިވެސް ގިނަބަޔަކު މިޓްރެންޑް އާންމު ކުރުމަށް އެކި ޑިޒައިންތައް ވަނީ ދައްކާލާފައެވެ. ފެޝަން އިންޓަސްޓްރީއިން ވެސް މިއީ ތަފާތު ޓްރެންޑެއް ކަމަށް ބަލައިގަނެ މިހާރުވަނީ އެކި ޕްރޮޑަކްޓްތަކުގެ އިސްތިހާރުތަކާއި މެގަޒިން ފޮޓޯތަކުގައި ވެސް ކަންފަތުގެ މޭކަޕް ބޭނުންކުރަން ފަށާފައެވެ. ފެޝަން އިންޓަސްޓްރީ އިން ގިނައިން ބޭނުންކޮށްފައިވަނީ ރޮނގާއި ތަފާޓު ބައްޓަން ހިމެނޭ ގޮތަށް މާގޮތްބޮޑު ނޫން ޑިޒައިން ތަކެވެ.

މޭކަޕްށް ލޯބި ކުރާ އަދި ތަފާޓު ފެޝަންތަކަށް ލޯބިކުރާ ބޭފުޅުންނަށް މިއީ އަޖުމަބަލާލަން ރަނގަޅު ކަމެކެވެ.