އިޖުތިމާޢީ ކަންކަމާއި ކުރިމަތިލާން ޖެހޭ ވަގުތުތަކުގައި އަޅުގަނޑުމެންގެ ތެރެއިން ގިނަ ބަޔަކު ނަފްސާނީ ބިރުވެރިކަމާއި ކުރިމަތިލާން ޖެހޭ ކަމީ ސިއްރެއް ނޫނެވެ. ހާސްކަން ކުރިމަތިވިޔަސް، ޑިޕްރެޝަން ނުވަތަ އެހެން އުދަނގޫތަކެއް ކުރިމަތިވިޔަސް، އޭގެ އަސަރުތައް ނާޒުކުކޮށް، ދުވަސް އުފާވެރިކަމާއި އެކު ކުރިޔަށް ގެންދަން އެހާ އުނދަގޫވެދާނެ އެވެ. ކޮންމެ މީހަކުވެސް ތަފާތުވެ، ސަޕޯޓާއި ބެލެހެއްޓުމަށް ތަފާތު ގޮތްތައް ބޭނުންވާއިރު، ޗޮކްލެޓް ފަދަ ސާދާ އެއްޗަކުން ނަފްސާނީ ދުޅަހެޔޮކަމަށް ކުރާ ހެޔޮ އަސަރުތަކާ ބެހޭ ގޮތުން ދިރާސާތަކެއް ކުރެވިފައިވެ އެވެ. 

ގިނަ ފިހާރަތަކުންނާއި ކަމުދާ ތަފާތު ޑެސަރޓްތަކުން ފެންނަ މީރު ޓްރީޓަކީ އަމިއްލަ ނަފްސަށް އަޅާލުމުގެ އެންމެ ފަހުގެ ގޮތް ކަމަށް ވެދާނެ އެވެ. ޚާއްސަކޮށް ޑާކް ޗޮކްލެޓަކީ ނަފްސާނީ ގޮތުންނާއި ޖިސްމާނީ ގޮތުން ވެސް ސިއްހީ ގޮތުން ތަފާތު ފައިދާތަކެއް ލިބައިދޭ އެއްޗެކެވެ. ޗޮކްލެޓް ލޯބިކުރާ މީހެއް ކަމުން ކަމުދާ ޓްރީޓެއް ކެއުމަށް އިތުރު ބަހަނާއެއް ބޭނުންވި ނަމަ ތިރީގައި މިވަނީ ނަފްސާނީ ސިއްހަތު ރަނގަޅު ކުރުމަށް ޑާކް ޗޮކްލެޓުން އެހީތެރިވެދޭ މަދު ގޮތްތަކެކެވެ.

ޑާކް ޗޮކްލެޓުން ޑިޕްރެޝަންގެ ނިސްބަތް ދަށްކޮށްދޭ

ޑާކް ޗޮކްލެޓްގައި ސިކުނޑިއަށް ސައިކޯއެކްޓިވް އަދި ޔޫފޯރިކް އަސަރު ކުރާ ސެރޮޓޮނިން ފަދަ ނިއުރޯކެމިކަލްސް ހިމެނޭކަން ވަނީ ފާހަގަކުރެވިފައެވެ. ސެރޮޓޮނިން އަކީ މޫޑް ރެގިއުލޭޓް ކުރުމާއި ކޮގްނިޓިވް ފަންކްޝަން އަށް ޒިންމާވާ ނިއުރޯޓްރާންސްމިޓަރެއް ކަމުން ނުބައި ދުވަހެއްގައި ޗޮކްލެޓުން ވަގުތުން މޫޑް ބޫސްޓް ކޮށްފާނެ ކަމީ ހައިރާންވާން ޖެހޭ ކަމެއް ނޫނެވެ. ދިރާސާތަކުން ދައްކާ ގޮތުގައި ޑާކް ޗޮކްލެޓް ކާ މީހުންނަށް ޑިޕްރެޝަންގެ އެޕިސޯޑްތައް ޖެހުމުގެ ފުރުސަތު ވަރަށް ބޮޑަށް ދަށްވެ އެވެ. މީގެ އިތުރުން ޑާކް ޗޮކްލެޓްގައި އެންޓިއޮކްސިޑެންޓްސް އެކުލެވިގެންވާއިރު، މިއީ އާންމުކޮށް ޑިޕްރެޝަން ކަހަލަ ކަންކަން ކުޑަކުރުމަށް އެހީތެރިވެދޭ މާއްދާތަކެކެވެ.

ޑާކް ޗޮކްލެޓުން ހަނދާނާއި ކޮގްނިޓިވް ފަންކްޝަން އަށް އެހީތެރިވެދޭ 

ގިނަ ދުވަސްތަކެއް ވަންދެން ކުރެވުނު ދިރާސާތަކުން ދައްކާ ގޮތުގައި ޑާކް ޗޮކްލެޓާއި ކޮގްނިޓިވް ފަންކްޝަން ރަނގަޅުވުމާ ދެމެދު ބޮޑު ގުޅުމެއް އެބައޮތެވެ. މިއީ ފްލެވަނޯލްސް ގެ ސަބަބުން ދިމާވާ ކަމެކެވެ. މި މޫޑު އިތުރުކޮށްދޭ ނިއުޓްރިއެންޓްސްތަކުގެ އެހީގައި ސިކުނޑި ރައްކާތެރިކޮށްދީ، ސިކުނޑި މަސައްކަތް ކުރަމުން ގެންދިއުމަށް އެހީތެރިވެދެއެވެ. ނަތީޖާތަކުން ދައްކާ ގޮތުގައި ޗޮކްލެޓް ކެއުމަށްފަހު ހަނދާނާއި ކޮގްނިޝަން ވަގުތުން ރަނގަޅުވުމުގެ އިތުރުން ދިގު މުއްދަތަކަށް ހަނދާނުގެ ގާބިލްކަން އިތުރުވެ، ސިކުނޑީގެ ލޭ ދައުރުވުމާއި އޮކްސިޖަންގެ މިންވަރު ރަނގަޅުވެ، ނާރުތަކުގެ މަސައްކަތް ރަނގަޅުވެ އެވެ.

ޑާކް ޗޮކްލެޓުން ހާސްކަމާއި ރުޅިގަދަވުމުގެ އިހުސާސްތައް ފިލުވައިދިނުމަށް އެހީތެރިވެދޭ

އަޅުގަނޑުމެންގެ ތެރެއިން ގިނަ ބަޔަކު ސްޓްރެސް، ޑިޕްރެޝަން، އަދި ޕީއެމްއެސްގެ ވަގުތުތަކުގައި ޗޮކްލެޓަށް އަތް ދިއްކުރާ ސަބަބެއް އެބައޮތެވެ. ޑާކް ޗޮކްލެޓްގައި ހިމެނޭ ފެޓީ އެސިޑް އެން-އެސިލެތަނޮލަމިންސް އިން އުފާވެރި އަސަރުތަކެއް ކޮށްދީ، ނޭދެވޭ މޫޑުތަކަށް ލުއި ދިނުމަށް އެހީތެރިވެދެ އެވެ. 

ޑާކް ޗޮކްލެޓަކީ ދުޅަހެޔޮ ހަންގަނޑަކާ ގުޅުން ހުރި ކަމެއް ކަމަށް ގިނަ ބަޔަކަށް ނަފްސާނީ ސިއްހަތާ މެދު އުނދަގޫތަކެއް ކުރިމަތިވާ ބޮޑު ސަބަބަކީ އެމީހުންގެ ބޭރުފުށުގެ ސިފަ އެވެ. ޖިސްމާނީ ހުރިހާ ސިފަތަކެއް ފަސޭހައިން ބަދަލު ނުކުރެވޭ ނަމަވެސް، ހަންގަނޑު ރަނގަޅުވުމަކީ މޫޑަށް ހެޔޮ އަސަރުތަކެއް ކުރާނެ ކަމެއް ކަމެއް ކަމަށް ޑޮކްޓަރުން ލަފާދެއެވެ. އާންމުކޮށް އުފެދޭ ގޯސް ވިސްނުމަކީ ޗޮކްލެޓުން މޫނުމަތީ ބިހި އުފެދޭ ކަމެވެ.ނަމަވެސް  ކޮންމެ ދުވަހަކު ވެސް ކޮންމެވެސް ވަރަކަށް ޑާކް ޗޮކްލެޓް ބޭނުން ކުރުމަކީ މޫނުގެ އިތުރުން މޫޑު ވެސް އުޖާލާ ކުރުމަށް ފަސޭހަ ގޮތެކެވެ.

ޑާކް ޗޮކްލެޓުން މާގިނައިން ކެއުމުގެ އާދަތައް ކުޑަކުރުމަށް އެހީތެރިވެދޭ

ޑާކް ޗޮކްލެޓްގައި ހިމެނޭ ފްލެވަނޮއިޑްސްގެ ސަބަބުން އިންސިއުލިން ރެސިސްޓެންސް ދަށްވެދާނެ ކަމަށް ވަނީ ދައްކާފައެވެ. މާނައަކީ ގިނަ ފަހަރަށް މާގިނައިން ކެއުމާއި މާގިނައިން ކެއުމާ ގުޅިފައިވާ އަމިއްލަ ނަފްސުގެ ނެގެޓިވް އިމޭޖް އަށް މަގުފަހިވާ ލޭގައި ހަކުރުގެ މިންވަރު އިތުރަށް ސްޕައިކް ނުވުމެވެ. ކެއުމުގެ އާދަތަކުގެ މައްޗަށް ކޮންޓްރޯލް ހޯދައި، ދުޅަހެޔޮ ދިރިއުޅުމަކަށް މަސައްކަތް ކުރުމަކީ ދުވަހުގެ ދިރިއުޅުމުގައި ޑާކް ޗޮކްލެޓް ހިމަނަން ޖެހޭ އެތައް މޮޅު ސަބަބުތަކުގެ ތެރެއިން އަނެއް ސަބަބެވެ.