ބ.ކެންދޫ ކައުންސިލުން އިންތިޒާމުކޮށްގެން ބާއްވާ ކެންދޫ ފުޓްބޯލް ޗެލެންޖު 2024ގެ ނުވަވަނަ، އަދި ގްރޫޕް ސްޓޭޖުގެ ފަހު މެޗު އެފް.ސީ ވެންގާޑު ކާމިޔާބުކޮށްފިއެވެ. މި މެޗުގައި ބައްދަލު ކުރީ އެފް.ސީ ވެންގާޑުއާ އެފް.ސީ ރައިވަލްސްއެވެ.

2-4 ގެ ނަތީޖާ އަކުން މި މެޗު އެފް.ސީ ވެންގާޑުން ކާމިޔާބުކުރި އިރު، މި މެޗުގައި ފުރަތަމަ ގޯލެއް ޖަހާ ލީޑު ނެގީ އެފް.ސީ ރައިވަލްސް އިންނެވެ. މި ނަތީޖާ އާއި އެކު އެފް.ސީ ވެންގާޑުވަނީ، ގުރޫޕުގެ އެއްވަނަ ޓީމުގެ ގޮތުގައި ސެމީފައިނަލަށް ދަތުރުކޮށްފައެވެ. އެފް.ސީ ރައިވަލްސް މި މުބާރާތް ނިންމާލީ އެންމެ ޕޮއިންޓެއްވެސް ނުލިބިއެވެ.

އާދީއްތަ ދުވަހު ކުޅުމަށް ހަމަޖެހިފައިވާ މެޗުގައި ބައްދަލު ކުރާނީ ގްލޯރިއަސް ވިކްޓްރީ އަދި ހޭޅި އެވެ. މިއީ ސެމީފައިނަލްގެ ޖާގައެއް ކަށަވަރުކުރުމަށް ކުޅެވޭ ޕްލޭ އޮފް މެޗެކެވެ. ހޭޅި އަކީ ގްރޫޕް އޭގެ ތިންވަނަ ޓީމެވެ. ގްލޯރިއަސް ވިކްޓްރީ އަކީ ގްރޫޕް ބީގެ ދެވަނަ ޓީމެވެ. އާދީއްތަ ދުވަހުގެ 16:00ގައި މި މެޗުގެ ކުޅުން ކެންދޫ ރަސްމީ ފުޓުބޯޅަ ދަނޑުގައި އޮންނާނެއެވެ.

މި މުބާރާތުގެ މީޑިއާ ޕާޓްނަރަކީ ތީރުމީޑިއާއެވެ. ކޯ ސްޕޮންސަރަކީ ފްލާވަރ ބޯއްޓެވެ. އަދި ކޯ ޕާޓްނަރުންގެ ގޮތުގައި ތަނބިވަށް، ނަޔަމް ޓްރޭޑާސް، ސީކް ޖަމުއިއްޔާ، ކެންދޫ ޒުވާނުންގެ ގުޅުން، ދޯނި މޯލްޑިވްސް، މުރާދު ކާޕެންޓްރީ، އަނަންތާރާ ކިހަވަށް އަދި ދިރާގު ހިމެނެއެވެ.