ހިތާހިތް ގުޅި މިހެން ދިޔަޔަސް، ގުޅޭކަން ނެތް މި އަތް އަތަކާ

    މިތާ މުޅި އުމުރު ހުސްކުރިޔަސް، ހިޔެއް ނުވެއޭ މިކަން ވާހެން

ގަޔާވާ ސިފަތަކެއް ހުއްޓަސް، ބަލައިލަން ރީތި ސޫރަޔަކަސް

    ހަޔާތުން ވަގުތުތައް ގުނިޔަސް، ނެތޭ މިކަމަށް ހިޔާލު ކުރުން

ހިމާޔަތުގާ އެވާ ކަށިތައް، ނިކަން ތޫނޭ ޒަޚަމު ކުރުވާ

    ދިމާއަށް ހާމަކޮށް އެދެނީ، ނުރައްކަލުގައި ވި އިންޒާރުން

ކިހާ ދެރަހޭ މިއަދު މިއަޅާ، މިހެން ބިކަ ހާލުގައި އުޅުމުން

    މިހާ ދެރަވާނެ ކަން ކުރިޔާ، އިނގުނު ނަމަހީ ކަމާއި މިކަން

ޒަމާ ނޭ މީ އެދޭ އަނިޔާ، ކިޔާ ބުނެދީ ކުރާ ގޯނާ

    ކަމާ ނުބެހޭ ކަމެއް ނަމައީ، ކަމާއި ގުޅޭ ކަމަށް ބުނަމުން

ގުޅެން ނެތުމުން މިއަދު އޭނާ، މަށާއި ދުރަށް ޖެހޭ އޭނާ

    ގުޅެން ނެތަތީ ހިޔާލު ކުރުން، މަގޭ ދޫކޮށްމެ ލީމެ ރޮމުން