ޓީޗަރުން ތިޔަ ކުރާ، ބުރަ މަސައްކަތް މިތާ

   ޓީޗަރުންނަށް ޓަކާ، ވެވުނު ފަޚުރޭ މިތާ

 

އަތްދަށުން ލިޔެ ކިޔާ، އަކުރުތައް ތިޔަ ބުނާ

  އަތްމަތިން ދަސްކުރާ، މޭސްތިރިންނޭ މިތާ

 

ތީ މަގޭ ސިކުނޑިޔާ، ކުޅެލަދޭ ވެކްސިނޭ

  ތީ މަގޭ ބުއްދިޔަށް، ލިބުނު ކާނާ މިތާ

 

ހެޔޮބަހެއް ނޫން ބަހެއް، ތިޔަ ދުލުން ނުބުނެވޭ

   ހެޔޮކަމަށް އަމުރުކޮށް، އުޅުނު އެދުރުން މިތާ

 

މާދުރުން ފެނިލިޔަސް، މޭ މަގޭ ތެޅިގަނޭ

   މާބުރެއްހެން ޖަހާ، "ބޫން" އަޅާނޭ ހިތާ

 

އޭރު ދިން ލޯތްބަކީ، އަގު ނުވާ ލޯތްބެކޭ

   ބޭރުމީހުން ނިކަން، ޝޯހުކޮށްލާ މިތާ

 

ދުނިޔެ ބަދަލުވެ މިދާ، ގޮތް ނިކަން ދެކި ބަލާ

   އުނި ކަމެއް މިކަމުގައި، މާ ބޮޑޭ އަދު މިތާ