ގަދަކަން މިދޭހުން ހޯދަނީ، ބޮޑުކަން މިދޭހުން ފޭރެނީ

   ގަދަ ބަދެވިކަން ހުރެ ދައްކަނީ، ފައިސާ ތަކެއް ވާ ހާލުގާ

 

އާރާއި ބާރާ ނެތި ދަނީ، ވައިރޯޅިއެއް ފަދައިން އިނގޭ

   ނާރާނެޔޭ މާ މައްޗަކަށް، މީ އާދައޭ ދުނިޔޭން ހިނގާ

 

އެތަކެއް ޒަމާނެއް ގުނިއަކަސް، މުށުގާ ހިފައިގެން ބާރުތައް

   ނެތަތީ އެބާރެއް ކަފުނުގައި، ގަދަ ދެއްކުމަށް ސަންދޯކުގާ

 

މާ ގަދަވެފާ މާ ބާރުލާ، އަޑު ނެތްތަނަށް ލެވިޔަސް ހަޅޭ

   މާ ގަދަކަމެއް ދެއްކޭނެހޭ؟، ކަފުނުން ބަނދެފަވާ ހާލުގާ

 

އޮޅުވާލުމާ މަކަރުގެ ތެރޭން، ފައިސާ ތަކެއް އަދު ހޯދިޔަސް

   އޮޅުލާން ޖެހޭނޭ އެދުވަހުން، އަނގުރުން އެވާ އަލިފާނުގާ 

 

ތިޔަހެން ފިލައިގެން ދަރަނިތައް، ތިޔަ ފަސްލަނީ މަކަރުން އިނގޭ

   ތިޔަ ދަރަނިތައް ހަމަ އެދުވަހުން، އެލުވާގެ އެވެރިން ކަފުނުގާ

 

ދުނިޔޭގެ ވަގުތީ އަފަލަކީ، ވަސްވާހެކޭ ދުރުވާން ޖެހޭ

   އުނިކަން ހަޔާތަށް ގެނުވަދޭ، ކަމެކޭ ހަޔާތުން އަަހުގާ