އުޅުމެއް ރަނގަޅު ނެތިއްޔާ، އޭނާގެ ބޭނުމެއް ނެތް

    ގުޅުމެއް ރަނގަޅު ނުވަންޏާ، އުޅުމެއް އެކީ ނުވާނޭ

ޢިލްމުގަ އަރާ މަތީގައި، ހުއްޓަސް ހެވޭ ނެތިއްޔާ

    ހިލްމެއް ފުދޭނެވަރަކަށް، ބޭކާރު އޭނަ ވާނޭ

އެއްކޮށްކަނޑާފަ ގުނަކޮށް، ގެއްލަން ކިތަންމެ މޮޅަކަސް

    އެއްބާރުލުން ނުދެންޏާ، ބާކީވެ އޭނަ ދާނޭ

ދިނިގެންވި ބަލިތަކުން އެކި، ފަރުވާ މޮޅެތި ދިނަސްވެސް

    ހިނިތުން ވުމެއް ނެތިއްޔާ، އިސްރާފު އޭނަ ވާނޭ

ތެތްކަން އެހާމެ ހުރެފާ، ވިސްނުން އެހާމެ ތޫނަސް

    ކެތްތެރިކަމެއް ނެތިއްޔާ، ދޫކޮށް މެ އޭނަ ލާނޭ

ލިބުމުން މަގާމު ޢިލްމާ، ސެޓުފިކެޓުތައް އެހާ ގިނަ

    ކިބުރާއި ގަބު ބޮޑާ ވާ، މީހެއް ކަމަކު ނުދާނޭ