އިރު އޭގެ ވާޖިބާ އެކު، އުދަރެސް ފެނުން ތޮޅިއްޖޭ

   ދިރުމެއް ހިތަށް ގެނެސްދީ، މުޅި ދުނިޔެ އަލި ކުރީއޭ

 

ދުނިޔޭގެ ބޯ މަތީގައި، އެތަކެއް އިރެއްމެ އޮވެފާ

   ދުނިޔޭގެ އުދަރުން ގޮސް، ގެއްލިފަ އަނދިރި ކުރީއޭ

 

އޮއްސުނު ތަނާމެ އިރު ގޮސް، އެ އެރީ ހަނދެއް އުޖާލާ

   އޮއްސުނު އިރުން ލިބޭ އަލި، އެ ހަނދަން އެޅެން ފެށީއޭ

 

ހަނދުވަރުގެ އަލި ކަމާއެކު، ދުނިޔޭގެ ބިން ނަށާލީ

   ހަނދުމައިގެ ސާލު ފެތުރީ، އެތަކެއް ހަނދާން ތަކާއޭ

 

ޖެހެމުން ދަނީ ހިމޭނުން، ވާ ރޯޅި ވައި އެ ރާޅާ

   ބެހެމުން ދަނީ މި ނަފުސޭ، ހިތްހަމަ ޖެހުން ދިނީއޭ

 

ޖެހިގެން އަނެއް ދުވަސްވީ، އިރު އުދަރެހުން އަރާފާ

    ޖެހިގެން ވިލާތަކާ އެކު، އައު ދުވަހަކަށް ފެށީއޭ

 

އިރު އޭގެ ވާޖިބާ އެކު، އަލިކަން ބިމަށް ދިނީއޭ

    ބިރުވެސް ހިތުން ފިލާފާ، ތައްޔާރު ގައިމި ވީއޭ