ބޮޑުމަހުގެ ހިތަކީ ދުނިޔޭގެ އެންމެ ބޮޑު ހިތް. މި ހިތުގެ ބަރުދަނުގައި 400 ޕައުންޑް ހުރޭ. މިއީ ގާތްގަނޑަކަށް 181 ކިލޯ. ބޮޑުމަހުގެ ހިތަކީ ބޮޑުމަހުގެ ބަރުދަނުގެ %1. މި ހިތުގެ އުސްމިނުގައި ގާތްގަނޑަކަށް 5 ފޫޓު ހުންނަކަމަށްވޭ. ބޮޑުމަހުގެ ހިތުގެ ވިންދު ވަރަށް ލަސްވާނެ. އަދި އެސޮރު އަޑިއަށް ފީނާވަރަކަށް ވިންދު އިތުރަށް ލަސްވޭ. އެގޮތުން މިނެޓަކު 4 އާއި 8 އާއި ދެމެދުގެ އަދަދަކަށް ވިންދު ޖަހާ. ބޮޑުމަހުގެ ވިންދު އެންމެ އަވަސްވެގެންވެސް ޖާހަފައިވަނީ މިނެޓަކު 37 ވިންދު ކަމަށް ބައެއް ސައިންސުވެރިން ބުނޭ. ބޮޑުމަހުގެ ހިތުން ހަށިގަނޑާއި ގުޅިފައިވާ މައި ލޭހޮޅީގެ (ހިތާއި ގުޅޭ ހިސާބުގެ) ޑައިމީޓަރުގަައި 9 އިންޗި ހުރޭ. ބޮޑުމަހުގެ ހިތުގެ ވިންދުގެ އަޑު ނުވަތަ ހިތުގެ ވިންދު ވަރަށް ދުރުންވެސް ދެނެގަނެވޭ. އެގޮތުން ސައިންސުވެރިން ހޯދި ހޯދުން ތަކުން އެނގޭ ގޮތުގައި، ބޮޑުމަހުގެ ހިތުގެ ވިންދު 2 މޭލު ދުރުންވެސް ފާހަގަ ކުރެވިފައި އެބަހުރި. ބައެއް ސައިންސުވެރިން ބުނާގޮތުގައި ކަނޑުގައި ބޮޑުމަސްތައް އުޅޭއިރު، އެކަތި އަނެކަތި ހޯދާ ދެނެގަތުމުގައި ހިތުގެ ވިންދު ދެނެގަނެގެން މަސައްކަތް ކުރޭ. މިއީ ކަނޑުގައި މާތް ﷲ ލައްވާފައިވާ ވަރަށްވެސް ފުރިހަމަ މަހެއް. ނުވަތަ ޖަނަވާރެއް. ބޮޑުމަހަކީ އެއްގަމަށް (ވައިގެތެރެއަށް) ނޭވާލާ، މައްމަލި ޖަނަވާރެއް.