ދުނިޔޭގައި އެންމެ ފުރަތަމަ ރަސްމީ ސިފައެއްގައި ފެތުމުގެ މުބާރާތެއް ބޭއްވީ އޮސްޓްރޭލިއާގައި. މި މުބާރާތް ބާއްވާފައިވަނީ 1846ގައި. އޭގެ ފަހުން ކޮންމެ އަހަރަކުމެ މި މުބާރާތް އައީ ބާއްވަމުން. ފެތުމުގެ މި މުބާރާތުގައި ފެތުންތެރިން ފަތާފައި ވަނީ 440 ޔާޑު ދުރުމިނަށް. މީގެ ކުރިންވެސް ގަދީމީ މިސްރުގައްޔާއި ގަދީމީ ގްރީސްގައިވެސް، އެ ގައުމުތަކުގެ ކަނޑުގެ އައްސޭރީގައި ފެތުމުގެ މުބާރާތްތައް ބާއްވާ ކަމަށް ތާރީހު ލިއުންތަކުގައިވޭ. ނަމަވެސް އެއީ ރަސްމީ ސިފައެއްގައި ކުރި ކަމެއްނޫން. އެއީ އެބައިމީހުންގެ މަޖަލާ ފޫހިފިލުވުމަށްޓަކައި ކުޅެ އުޅުނު ކުޅިވަރެއް. އޮސްޓްރޭލިއާގައި 1846 ވަނަ އަހަރު ބޭއްވި މި މުބާރާތުގައި އެހެން ގައުމު ތަކުންވެސް ވާދަކޮށްފައިވޭ. ގިނަ ގައުމުތަކުން ފެތުން ތެރިންގެ ގޮތުގައި ބައިވެރިވެފައިވަނީ އެ ގައުމުތަކުގެ ސިފައިންގެ ތެރެއިން ކަނޑުގެ ސިފައިންގެ މީހުން.

މިއަށްފަހު ފެތުން ރަސްމީ ސިފައެއްގައި ކުޅިވަރެއްގެ ގޮތުގައި ކުޅެމުން އައީ އޮލިންޕިކްސް ކުޅިވަރުތައް ތައާރަފުވި ފަހުން.