އެމެރިކާއަށް ނިޞްބަތްވާ ލޮރީ އަދި ކްރިސް ކޯބެލް ގެ 3 ކުދިންކަމަށްވާ ކައިލީ، ކެޓީ އަދި އެމާ ވަނީ 2007 ވަނަ އަހަރު ހިނގި އެކްސިޑެންޓެއްގައި ނިޔާވެފައި. ބޮޑު ޓްރަކް އަކާ މި އާއިލާގެ ކާރު ޖެހިގެން ހިނގި މި އެކްސިޑެންޓްގައި 2 އަންހެން ދަރިންނާއި ފިރިހެން ދަރި ނިޔާ ވުމުން އެކަމުގައި ޓްރަކް ޑްރައިވަރުގެ އިހުމާލު އޮތްކަމަށް ކޯޓުގައި ކުރި ދަޢުވާގައި އިންސާފު ނުލިބި، އެކަމަށް 3 ލައްކަ ޑޮލަރާ ގާތަށް ހޭދަކުރަން ޖެހުނު. ނަމަވެސް ﷲގެ ކުޅަދުންވަންތަކަން ހުރިހާ ކަމަކަށް ވުރެ މަތި. މި އެކްސިޑެންޓް ހިނގިތާ 1 އަހަރު ފަހުން އެދެމަފިރިން ނަށް ވަނީ އެއްމާބަނޑު 3 ކުދިން ލިބިފައި. ލިބުނީ ހަމަ އަންހެން 2 ކުދިންނާއި ފިރިހެން ކުއްޖެއް.