ލޮނުމެދަކީ ދިވެހިންގެ އާންމު ކެއުމުގައި ބޭނުން ކުރެވޭ އެއްޗެއް. އާންމުކޮށް ހަވާދުގެ ބާވަތްތަކުގައި ބޭނުން ކުރެވޭ. ލޮނުމެދުން ލިއްބައިދޭ ސިއްހީ ފައިދާތަކާއި އެކަމުގެ ސަބަބު އެނގުމަކީ ވަރަށްވެސް މުހިންމު ކަމެއް. ލޮނުމެދު ކެއުމަކީ ލޭގެ ޕުރެސަރު ދަށްކޮށްދިނުމަށް އެހީވެދޭ އެއްޗެއް. އެއީ އޭގައި ހުންނަ މާއްދާއެއްގެ ސަބަބުން ހަށިގަނޑުގައި ނައިޓްރިކް އޮކްސައިޑް ހަރަކާތްތެރިވާން ފަށާ. މި ނައިޓްރިކް އޮކްސައިޑަކީ ލޭހޮޅިތައް ފުޅާކޮށްދޭ މާއްދާއެއް. ނަތީޖާ އަކީ ލޭހޮޅިތައް ފުޅާވެ ލޭގެ ޕުރެސަރު ދަށްވުން. ލޮނުމެދުގައި އިންސާނާގެ ހަށިގަނޑުގެ ދިފާއީ ނިޒާމު ހަލުއިކޮށްދޭ މާއްދާއެއްވޭ. އޮޓޯއިމިއުން ވަރުގަދަކޮށްދޭ. މީގެ ނަތީޖާއަކީ ކުދި ކުދި އިންފެކްޝަންތަކުން ދުރުވުމަށް މަގުފަހިވުން. ލޮނުމެދުގައި ހުންނަ މާއްދާއެއްގެ ސަބަބުން ފުރަމޭގެ މަސައްކަތްތައް ހަރުދަނާކޮށްދިނުމަށް އެހީވެދޭ. ނަތީޖާއަކީ ފުރަމެއިން އުފައްދާ ކޮލެސްޓުރޯލުގެ މިންވަރު ދަށްކޮށްދިނުމަށް އެހީވެދިނުން. މިގޮތަށް ދަށްވާނީ އެލް.ޑީ.އެލް ނަމަކަށް ކިޔާ ކޮލެސްޓްރޯލުގެ ބާވަތެއް. މީގެ އިތުރުން ލޮނުމެދުގައި ލޭދިޔާކުރުމަށް އެހީވެދޭ މާއްދާއެއް އެކުލެވޭ. މިއަށް ކޮގިއުލަންޓްއޭ ކިޔާ. މި މައްދާގެ ސަބަބުން ލޭ ދިޔައިވުމަށް އެހީތެރިވެދޭ އިރު، ލޭ ދިޔައިނަމަ، ލޭގަނޑުވުމުން ދިމައިވެދާ ސިކުނޑިއާއި ހިތުގެ ބަލިތަކުން މިހާ ރައްކާތެރިކޮށްދޭ. ލޮނުމެދަކީ އެއިން މިފަދަ ފައިދާތަކެއް ލިބުމަށް އެހީވެދޭ އެއްޗެއް ނަމަވެސް ހަނދާނުގައި ބަހައްޓަންވީ ކަމަކީ ލޮނުމެދެއް ނުވަތަ ލޮނުމެދުތަކެއް ކެއުމުން މިދެންނެވި ކަންކަން ނުވެދާނެކަން. އެހެނީ ލޮނުމެދަކީ އެކަންކަމަށް އެހީވެދޭ މާއްދާތަކެއް އެކުލެވިގެންވާ އެއްޗެއް. ނަމަވެސް ކެއުމުގައި ލޮނުމެދު ބޭނުން ކުރުމަކީ ވަރަށްވެސް މުހިންމު ކަމެއް.