ގޮނޑު ދޮށުގައި ހެދިފައި ހުންނަ އާނާއި ބެހޭގޮތުން އިނގެނީ ކޮން މައުލޫމާތެއް؟

އާނަކީ އޭގެ ތަބީއަތުގައި އުފެދި، ނެތި ދާ އެއްޗެއް. އަދި ބޮޑުވެ، ކުޑަވެސް ވާ އެއްޗެއް. އާނު ފަށަލައިން ދައްކައިދެނީ އެ ރަށެއްގެ ހިކި ފަސް ވެލީގެ އިން. ގުދުރަތީ ގޮތުން ލައްވާފައިވާ މި ނިޒާމު، މޫސުމަށް އަންނަ ބަދަލާއި އެކު ބަދަލުވޭ. އެގޮތަށް ރަށުގެ އާނުފަށަށް އަންނަ ބަދަލަކީ އެއިރެއްގެ މޫސުން ހުރި ނެތް ގޮތަކުން އެރަށެއްގެ ހިކި ފަސް ވެލީގެ އިން ހުންނާނެ މިންވަރު ބުނެދޭ ބަދަލެއް. އާނު އުފެދެނީ ވެއްޔާ ކިސަޑާއި އަދި އެނޫންވެސް އެކި އެކި ކެމިކަލް ކޮންޕޮނެންޓުތަކެއް އެކުވެގެން. މީގެ ތެރެއިން އެންމެ ބޮޑުބައެއް އަދާކުރަނީ ކާބަން ނަމަކަށް ކިޔާ މާއްދާއެއް. އާނު އުފެދޭއިރު، ކުދި ކުދި މުރަކަ ކޮޅާއި ހަލާކުވެފައިވާ ބޮލީގެ ބާވަތްތައް ވެސް އާނުގައި ހަރުލާފައި ހުރޭ. އާނު އުފެދޭނީ ބޮޑު ދިޔައިގައި ލޮނުގެ އަސަރު ކުރާ، އަދި އަޑި ދިޔައިގައި ލޮނުގެ އަސަރު ނުކުރާ ހިސާބުގައި. އާނުގެ އެކި ފަށަލަތައް ހުރޭ. އެގޮތުން އަބަދުވެސް މޫދާއި އެންމެ ކައިރިއަށް ހުންނަ ފަށަލަ އަކީ އެންމެ ދުވަސްވީ ފަށަލަ. ކަނޑުގެ ލޮނުގަނޑު އުފުލުމާއި ގުޅިގެން ރަށް ގިރުންފަދަ ކަންކަން ދިމާވާނަމަ، ލޮނުގެ އަސަރު ކޮށްގެން ކުރީގެ އާނު ފަށަލައިގެ އެއްގަމުން އައު އާނުފަށަލައެއްލާން ފަށާ. މިއީ ގުދުރަތީގޮތުން މި ނިޒާމު ބައްޓަން ވެފައިވާ ގޮތް.