ކެއުމުގައި ބޭނުން ކުރެވޭ ބައެއް ބާވަތްތަކުގެ ސަބަބުން ބަނޑުގައި ވައި ހެދޭގޮތްވޭ. މިގޮތަށް ވައިގެ އުނދަގޫ ބޮޑުވަނީ އެކި މީހުންނަށް އެކި ވަރަށް. އަދި އެކި މީހުންނަށް އެކި ކަހަލަ ކާނާއިން ވައި ހެދޭގޮތްވޭ. ކަންމިހެން ހުރިނަމަވެސް ގިނަބަޔަކު އިއްތިފާގުވާ އެއްކަމަކީ ބަނބުކޭލަކީ އޭގެ ސަބަބުން ބަނޑުގައި ވައި ހެދޭ އެއްޗެއްކަން. ބަނބުކެޔޮ ކެއުމަކީ އޭގެ ސަބަބުން ބައެއްމީހުންނަށް "މިއުޒިކު ސޯ" ތައް ބޭއްވޭކަމެއް. ކަންމިހެން ހުރުމުން ބަނބުކެޔޮ ކައިގެން ވައިގެ އުނދަގޫބޮޑުވަނީ ކީއްވެތޯ ބަލައިލުން ވަރަށް މުހިންމު. ބަނބުކޭލުގައި ހުންނަ މާއްދާތަކުގެ ސަބަބުން ހަޖަމުގެ ނިޒާމަށް އަންނަ ބަދަލެއްގެ ސަބަބުން ވައި އުފެދޭ ގޮތްވޭ. އެއީ އޭގައި ހުންނަ ހަކުރުގެ ގިނަ މާއްދާތަކެއްގެ ސަބަބުން. އޭގެ ތެރޭގައި ފްރަކްޓޯސް، ލެކްޓޯސް، ރެފިނޯސް އަދި ސޯބިޓޯލް ހިމެނޭ. ބަނބުކޭލުގައި ހުންނަ މި މާއްދާތަކާއި ބަނބުކޭލުގައި ހިމެނޭ ފައިބަރުގެ މާއްދާ އެކުވުމުން، ބަނބުކެޔޮ ހަޖަމު ވުމުގައި މައިދާއަށް ދަތިތަކެއް ކުރިމަތިވޭ. މިގޮތައް ހަޖަމު ނުވެ ލަސްވުނުގެ ނަތީޖާ އަކީ މައިދާގައި ގޭސް އުފެދުން. ބަނބުކެޔޮ ހަޖަމް ކުރުމުގައި މައިދާ އާއި ގޮހޮރުގައި ހުންނަ ފައިދާކުރަނިމި ޖަރާސީމުތައް ހަރަކާތްތެރިވޭ. މިއީވެސް ވައި އުފެދެން މެދުވެރިވާ އަނެއް ސަބަބު.

ބަނބުކެޔޮ ކައިގެން ވައިގެ އުނދަގޫ ކުރުމުގައި އެކި މީހުން ތަފާތުވެދާނެ. އެހެނީ އެމީހެއްގެ ހަށިގަނޑު އިސްވެ ދެންނެވުނު މާއްދާތަކަށް "ރުހޭ" މިންވަރެއްގެ މައްޗަށް މިކަން ބިނާވެފައިވާތީ. މިގޮތަށް އުފެދޭ ވައި ބޭރުނުވާނަމަ އެއީ ވަރަށް ވޭން ހުރި ކަމެއް. އެގޮތުން މިގޮތައް އުފެދޭ ވައިތައް އަނގައިންނާއި ފުރަގަސްފަރާތުން ބޭރުވާނެ.